Ukuthuthukisa Amakghonwethu Ekonzweni—Ngokutjengisa Indlela Isifundo SeBhayibheli Esingaragwa Ngayo Usebenzisa Incwadi Ethi, Okufundiswa YiBhayibhili

Okwenza Kuqakatheke: Abantu abanengi kungenzeka bangazwisisi bona sitjho ukuthini nesithi sifunda nabantu iBhayibheli simahla emakhaya. Bangacabanga ukuthi kufuze bajoyine isiqhema sokufunda namkha bafunde ngeposi nofana ngokutlola incwadi. Kunokuthi ubawe isifundo, kubayini ungamtjengisi ukuthi isifundo seBhayibheli siragwa njani? Ngemizuzu embalwa, ngitjho nanyana ujame emnyango, ungamtjengisa umuntu loyo bona kulula kangangani begodu kuzuzisa njani ukufunda iBhayibheli.

Indlela Esingakwenza Ngayo:

Ngemva kokuzethula, buza umninimuzi ukuthi utshwenyekile na ngekusasa.
Yitjho bona inengi labantu litshwenyekile, umtjengise irhelo leenhloko ezingaphakathi encwadini ethi, Okufundiswa YiBhayibhili. Hlathulula ukuthi incwadi le ineemfundo ezibulula ukuzizwisisa ezitjengisa lokho okufundiswa yiBhayibheli ngengomuso nezinye iinhloko, mbuze ukuthi ngisiphi isahluko angathabela ukwazi ngaso.
Mnikele incwadi, umtjengise isahluko asikhethileko. Mhlathululele ukuthi imibuzo esekuthomeni kwesahluko izokuphendulwa eengabeni ezilandelako.
Bawa umninimuzi bona afunde isigaba sokuthoma nange azizwa atjhaphulukile ukwenza njalo. Mfundele umbuzo wesigabeso, nicoce ndawonye ngependulo leyo. Qalani benicoce ngemitlolo edzujuliweko esekela ipendulo. Mtjengise indlela othalele ngayo ipendulo encwadinakho.
Cocani ngesigaba esilandelako, kodwana kilokhu bawa umninimuzi alinge ukuphendula umbuzo ngamezwakhe.
Mbuke, begodu uhlele nokubuya nizokuqedelela isifundo.
Nekufanelekako, mtjengise ividiyo eku-jw.org enesihloko esithi, Kwenziwani Esifundweni SeBhayibheli?

Linga Naku Phakathi Nenyanga:

Thandaza kuJehova bona abusise imizamwakho yokuthoma isifundo seBhayibheli esitjha.—Flp. 2:13.
Linga ukuraga isifundo seBhayibheli usebenzisa incwadi ethi, Okufundiswa YiBhayibhili, namkha umtjengise ividiyo ethi, Kwenziwani Esifundweni SeBhayibheli? okunganani kanye newusesimini.