Sewuthomile Na Ukubhincela IsiKhumbuzo?

Bekusemihleni yokuphila kwakaJesu ngoNisan 13. UJesu besele azi ukuthi bekasalelwe busuku obubodwa kwaphela bokuthi abe nabangani bakhe abakhulu ngaphambi kokuthi abulawe. Into ebekazoyenza bekazokugidinga umnyanya wakhe wamaswaphela wePhasika anabo, bese wethula ikambiso etja ebizwa ngokuthi siSidlo seKosi saNtambama. Umnyanya oqakatheke kangaka bewuzokutlhoga ukulungiselelwa. Ngalokho-ke, wathumela uPitrosi noJwanisi bonyana bayokwenza amalungiselelo. (Luk. 22:7-13) Kusukela kwamhlokho, qobe mnyaka kube yinto eqakathekileko emaKrestwini anesifiso sokwenza isiKhumbuzo bona enze amalungiselelo wesenzakalwesi. (Luk. 22:19) Ngiziphi izinto ezisisekelo okufuze sizenze ukulungiselela isiKhumbuzo esizako saka-Apreli 3?

Ilungiselelo Elizokwenziwa Badala:

Yenza amalungiselelo wokusebenzisa iWolo lomBuso namkha esinye isakhiwo sendawo efanelekako. Kufuze kube nendawo eyaneleko yokuhlala, amalampa wokukhanyisa, kubethe nomoya. Hlela nokuhlwengiswa kwendawo kusese nesikhathi.
Khetha isikhulumi esifanelekako, usihlalo, nabazalwana abazokuthandazela iimfanekiselo.
Nangabe kuzokubanjelwa izenzakalo ezingaphezu kwesisodwa endaweni efanako, yenza amahlelo weenkhathi ekuzokuhlanganwa ngazo ukuthi kuzokungenwa ngasiphi isikhathi kuphunywe nini endaweni leyo nendawo yokuphaga iimodere.
Khetha bewuhlele abazalwana abazokukhambisa iimfanekiselo nabalindi.
Hlela bona kusetjenziswe iimfanekiselo ezifanelekako, amabhorodo, amarhalasi wewayini, itafula efanelekako netjhila letafula.

Ilungiselelo Elizokwenziwa Barhuweleli:

Hlela ukudlala indimakho ngokupheleleko ejimeni lokumemela abantu esiKhumbuzweni.
Yenza irhelo labantu ofunda nabo iBhayibheli, iinhlobo, ofundanabo esikolweni, osebenzanabo, nabanye abangani bese uyabamema.
Ufunde bewuzindle ngokufundwa kweBhayibheli kwangesiKhumbuzo.
Kulungele ukwamukela iimvakatjhi nawuza esiKhumbuzweni.