IPILO YAMAKRESTU

Ukutjhumayela Nokufundisa—Kuqakathekile Bona Wenze Abafundi

UJesu wayala abafundi bakhe bona bakhambe bayokwenza abafundi. (Mat 28:19) Umsebenzi lo uhlanganisa ukutjhumayela nokufundisa. Kufuze sihlale sizibuza ukuthi, ‘Ngingayithuthukisa njani indlela engenza ngayo umsebenzi oqakathekileko lo wokwenza abafundi?’

UKUTJHUMAYELA

Kunokuthi silindele bona abantu beze kithi, kufuze sithathe igadango ‘lokufuna abafanelekako.’ (Mat 10:11) Nasitjhumayelako, siyawatjheja na amathuba avelako wokukhuluma nabantu abafunyanekako? (IzE 17:17) Umpostoli uPowula watjhumayela ngokuzimisela, umphumela walokho kukuthi uLidiya waba mfundi.—IzE 16:13-15.

USamuel unikela u-Ezekiel umagazini; uSolomon noMary batjhumayeza u-Ezekiel no-Abigail — “Tjala imbewakho ekuseni, entambama izandla zakho zingaphumuli” (Mtj 11:6)

BUKELA IVIDIYO ETHI RAGA NOKUTJHUMAYELA ‘UNGALISI’—UKUTJHUMAYELA OKUNGAKAHLELWA, UMUZI NOMUZI, BESE UPHENDULA IMIBUZO ELANDELAKO:

USamuel watjengisa njani ukuthi bekahlala afuna amathuba wokutjala imbewu yeqiniso?
Kubayini kufuze sizimisele ukutjhumayela ngazo zoke iindlela?
Bobani ongabatjela ngeendaba zomBuso kaZimu?

UKUFUNDISA

Bona senze abafundi, kufuze senze okungaphezu kokutjhiyela abantu iincwadi. Ukubasiza bona bathuthuke ekulotjheni uZimu, kufuze sibuyele kibo begodu sirage isifundo seBhayibheli. (1Ko 3:6-9) Kuthiwani nange umuntu esimfundisa ngomBuso angathuthuki? (Mat 13:19-22) Kufuze sirage nokufuna abantu abaneenhliziyo ezifana ‘nehlabathi ehle.’—Mat 13:23; IzE 13:48.

USolomon noMary baragela u-Ezekiel no-Abigail isifundo seBhayibheli; u-Ezekiel no-Abigail batjhumayela tjhatjhalazi — “Mina ngatjala, u-Apholo wathelelela, kodwana uZimu wakhulisa” (1Ko 3:6)

BUKELA IVIDIYO ETHI RAGA NOKUTJHUMAYELA ‘UNGALISI’—TJHATJHALAZI, UKWENZA ABAFUNDI, BESE UPHENDULA IMIBUZO ELANDELAKO:

USolomon noMary bayithelelela njani imbewu yeqiniso ehliziyweni ka-Ezekiel no-Abigail?
Kufuze ube yini umgomethu nasisebenzisa zoke iindlela zokutjhumayela, kuhlanganise nalokha sitjhumayela tjhatjhalazi?
Khuyini esingayenza bona sifundise abantu iqiniso?