UJehova Uyabathanda Abantu Abahlanzekileko

“Hlamba izandla zakho, uhlwengise ikamura lakho bese uyathanyela. Ngemva kwalokho, ubuthe iinzibi.” Ababelethi abanengi bafundisa abantwababo indlela abangahlala ngayo bahlanzekile emzimbeni. Nanyana kunjalo, iinkambisolawulo zokuhlanzeka zivela kuZimu. (Eks 30:18-20; Dut 23:14; 2Ko 7:1) Imizimbethu nezinto esinazo nazihlala zihlanzekile, sidumisa uJehova. (1Pt 1:14-16) Kuthiwani ngemizethu nendawo esibhodileko? Ngokungafani nabantu abalahlela iinzibi eendleleni nemaphageni, amaKrestu enza koke angakwenza bona angasilaphazi iphasi. (IR 115:16; sAm 11:18) Ngitjho nezinto ezincancani, ezifana nokulahla amaphepha wamaswidi, amathini weenselo, namkha amatjhaphisi, kungaveza indlela esiziphatha ngayo. Kikho koke ukuphila kwethu, sifuna ukuba ‘ziinsebenzi zakaZimu.’—2Ko 6:3, 4.

BUKELA IVIDIYO ETHI, UJEHOVA UYABATHANDA ABANTU ABAHLANZEKILEKO, BESE UPHENDULA IMIBUZO ELANDELAKO:

• Abanye bangabeka maphi amabanga wokuthi izinto zabo zihlale zingakahlanzeki?

• UmThetho kaMosi uwuveze njani umbono kaJehova malungana nokuhlanzeka?

• Singamdumisa njani uJehova ngaphandle kokukhuluma?