Vikela Umtjhadwakho

Iimfungo zomtjhado ziqakathekile kuJehova. Wathi indoda nomfazi kufuze bangahlukani banamathelane. (Mat 19:5, 6) Minengi imitjhado ephumelelako ebantwini abalotjha uZimu. Nanyana kunjalo, akunamtjhado onganamiraro. Imiraro ibakhona. Akukafuzi silingise abantu abacabanga bona ukuhlala ngokuhlukana namkha ukutlhalana yindlela yokurarulula imiraro ebakhona emtjhadweni. Amakrestu atjhadileko angawuvikela njani umtjhadwawo?

Sebenzisa iindlelezi ezihlanu eziqakathekileko.

1. Tjheja ukutjhidelana nomuntu wobulili obuhlukileko ongakatjhadi naye nokubukela zokuzithabisa ezinokuziphatha okumbi ngokomseme ezingafaka umtjhado engozini.—Mat 5:28; 2Pt 2:14.

2. Qinisa ubungani bakho noJehova begodu uzimisele ukuhlala umthabisa emtjhadwenakho.—IR 97:10.

3. Ragela phambili nokumbatha ubuntu obutjha, wenzele umuntu otjhade naye izenzo zomusa nanyana zingaba zincani zingenza umehluko omkhulu.—Kol 3:8-10, 12-14.

4. Hloniphanani, nikhulumisane kuhle.—Kol 4:6.

5. Nikela umuntu otjhade naye okumfaneleko, ngethando.—1Ko 7:3, 4; 10:24.

AmaKrestu nakahlonipha umtjhado, ahlonipha uJehova omSunguli womtjhado.

BUKELA IVIDIYO ETHI, “KUFUZE SIGIJIME NGOKUNYAMEZELA”—ITHOBELE IMITHETHO YEPHALISWANO, BESE UPHENDULA IMIBUZO ELANDELAKO:

• 

  Nanyana umtjhado ungathoma kuhle ngimiphi imiraro engavela?

• 

  Iinkambisolawulo zeBhayibheli zingabasiza njani abatjhadileko abazizwa ngasuthi abathandwa?

• 

  Ngiyiphi imithetho uJehova ayibekele abantu abatjhadileko?

• Bona umtjhado uphumelele khuyini abantu abatjhadileko ekufuze bayenze?