Tjhumayela Iindaba Ezimnandi Zokuthi Iphasi Elingcono Selitjhidele!

NgoNovemba, sizokwenza umzamo okhethekileko wokutjhumayela iindaba ezimnandi zokuthi iphasi elingcono selitjhidele. (IR 37:10, 11; sAm 21:3-5) Lungisa ubujamo bakho bona ukghone ukuhlanganyela ngokuzeleko ejimeneli. Nangabe uhlela ukuba liphayona elisizako ngenyanga leyo, ungakhetha ukubika ama-iri ama-30 namkha ama-50.

Zilungiselele ukufundela abantu abanengi ngendlela ongakghona ngayo umtlolo omalungana nephasi elitjha. Nawukhetha umtlolo weBhayibheli, ozowufundela abantu cabanga ngokuthi ngimuphi umtlolo abangawuthanda khulu endaweni yekhenu. Nangabe umuntu uyakuthanda lokho enicoca ngakho nawumtjhumayeza kokuthoma ungamnikela IsiThala somphakathi saka-No. 2 2021. Ngemva kwalokho, linga ukubuyela kuye msinyana ngendlela ongakghona ngayo ulinge ukuthoma isifundo seBhayibheli usebenzisa incwajana ethi, Thabela Ukuphila Ngokungapheliko!. Qala bona kuthabisa kangangani ukuba majadu ngokutjhumayela “iindaba ezimnandi”!—Isa 52:7.

BUKELA INGOMA YE-JW BROADCASTING ETHI, IPHASI ELITJHA ELIZAKO, BESE UPHENDULA IMIBUZO ELANDELAKO:

• Khuyini umntazanyana ayicabangako ngengomuso elihle?

• Ngiziphi ezinye izinto oqale phambili ukuzibona ephasini elitjha?

• Ukucabangisisa ngethemba lakho kungakusiza njani bona uzilungiselele ukuhlanganyela ngokuzeleko ejimeni langoNovemba?—Luk 6:45