Hlela Nje Bona Wandise Ikonzwakho
1. Yini eqakathekileko ngesikhathi seSikhumbuzo, begodu singasilungiselela njani?
1 Isikhathi seSikhumbuzo ngasinye sisinikela amathuba amatjha ‘wokudumisa uJehova khulu.’ (Rha. 109:30) Ungakghona na ukwandisa ikonzwakho hlangana nenyanga kaMatjhi njengenye yendlela yokutjengisa ukuthokoza uMlungiseleli wesihlengo? Kwanje sikhathi sokuthoma ukwenza amalungiselelo.—Iziy. 21:5.
2. Wasabela njani wena nabanye elungiselelweni lokuphungulwa kwama-awara wamaphayona wesigiyani ngo-Apreli odlulileko?
2 Ubuphayona Besigiyani: Ngomnyaka ogadungileko amabandla athaba khulu nekezwa ngelungiselelo lobuphayona besigiyani ngo-Apreli kuphungulwe ifuneko yama-awara. Omunye umzalwana watlola: “Ngisesesikolweni samabanga aphakamileko, begodu akhenge ngikubone kungenzeka bona ngibe liphayona lesikhathi esizeleko. Kodwana ngizokufaka isibawo sokuphayona ama-awara ama-30 begodu ngilwele ukwenza ama-50 ngenyanga ka-Apreli.” Udade osebenza isikhathi esizeleko emsebenzini wokuziphilisa watlola: “Ama-awara amatjhumi amathathu—angafumaneka bulula!” Nekumenyezelwa ilungiselelweli, omunye owakhe waphayona, kwanje osele asemnyakeni yama-80, wathi: “Lesi sikhathi egade ngisilindile! UJehova uyazi bona ukuphayona bekusikhathi esihle khulu ekuphileni kwami!” Abanye abangakhange bakghone ukungenela ubuphayona besigiyani bazibekela iimnqopho yokwenza okungeziweko ekonzweni.
3. Ngimaphi amabanga wokucabangela ubuphayona besigiyani hlangana nenyanga kaMatjhi, Apreli noMeyi?
3 UMatjhi uzokuba yinyanga ehle khulu yokuba liphayona lesigiyani ngombana godu sizokuba nethuba lokukhetha ukuhlanganisa ifuneko yama-awara ama-30 namtjhana ama-50. Ukungezelela kilokho, ukuthoma ngoMgqibelo, Matjhi 17, sizokuhlanganyela ejimeni elikhethekileko lokumema abanye bona babe nathi eSikhumbuzweni ngo-Apreli 5. Abanengi bazokuthabela ingcenye yabo eyandisiweko ekonzweni kangangobana bazokufuna nokuba maphayona wesigiyani ngo-Apreli nangoMeyi, benze ifuneko yama-awara ama-50.
4. Singayandisa njani ingcenye yethu ekonzweni, kube namuphi umphumela?
4 EkuKhulekeleni kwenu koMndeni okulandelako, kubayini ningacoci ngendlela ngamunye emndenini angandisa ngayo ikonzo yakhe ngesikhathi zeSikhumbuzo? (Iziy. 15:22) Bawa uJehova abusise iimzamwakho. (1 Jwa. 3:22) Njengombana wandisa ingcenye yakho ekonzweni, ngeze ungezelele ekudumiseni uJehova kwaphela kodwana uzokwandisa nethabo lakho.—2 Kor. 9:6.