UZimu Unendaba Nawe
IBHAYIBHELI lineenluleko ezihle ezingasisiza ngombana livela kuZimu. Alisiyincwadi yezepilo kodwana lineendlela ezisebenzako elingasisiza ngazo bona siqalane nobujamo obugandelelako, indlela yokucabanga engakajayeleki, ukuzizwa kabuhlungu, imiraro esikghona ukuyibona kuhlanganise nemiraro yomkhumbulo.
Okuqakatheke khulu kukuthi iBhayibheli liyasiqinisekisa bona uMdalethu, uJehova uZimua uzwisisa imicabangwethu nendlela esizizwa ngayo ukudlula nanyana ngubani. Uzimisele ukusisiza ngananyana ngimiphi imiraro esiqalana nayo. Ngokwesibonelo, cabanga ngamavesi amabili weBhayibheli aduduzako:
“UJehova useduze nalabo abanehliziyo ephukileko; uyabasindisa labo abaphohlozekileko emmoyeni.”—IRHUBO 34:18.
“Mina Jehova uZimakho, ngibambe isandla sakho sangesidleni, ngithi kuwe, ‘Ungasabi. Ngizokusiza.’”—ISAYA 41:13.
UJehova usisiza njani siqalane nemiraro yokugandeleleka komkhumbulo? Njengombana uzokubona eenhlokweni ezilandelako, uJehova usitjengisa ngeendlela ezinengi ukuthi unendaba nathi.
a UJehova ligama lakaZimu.—IRhubo 83:18.