Iindlela Zokufunda

Zibambe Ngehloko Iingoma Zethu

“Nangizizwa ngidanile, uJehova uyangikhuthaza asebenzisa iingoma ezifumaneka ku-JW Broadcasting.”—Lorraine, U.S.A.

Iingoma zethu bezisolo ziyingcenye yokulotjha kwamaKrestu. (Kol. 3:16) Nawufunda ukubamba iingomezi ngehloko, kungakusiza ngitjho nalokha unganayo incwadi yeengoma namkha isisetjenziswa se-elekthroniki. Linga ukulandela iindlela ezilandelako ukukusiza ukghone ukubamba iingomezi ngehloko.

• Fundisisa amezwi wengoma bona ukghone ukuzwisisa ukuthi atjho ukuthini. Nange uzwisisa ukuthi okuthileko kutjho ukuthini, kuzokuba lula bona ukubambe ngehloko. Amezwi wazo zoke iingoma zethu kuhlanganise iingoma ezitlanyiweko neengoma zabantwana ayafumaneka ku-jw.org ngaphasi kwengcenye ethi, ILayibhrari, ngena kesithi, Umbhino.

• Atlole ephepheni amezwi wengoma. Ukwenza njalo kuzokusiza khulu bona uwakhumbule.—Dut. 17:18.

• Nawuphrakthisako bhinela phezulu. Funda namkha ubhine ingoma ngokubuyelelweko.

• Linga ukuhlola ukuthi kungangani okukhumbulako. Linga ukukhumbula amezwi wengoma ngaphandle kokuqala ephepheni bese uqale ukuthi kungangani okukhumbulako.