Buyekeza Amaphuzu Ayihloko

Khekwenzeka uzifumane ungakhumbuli oqeda ukukufunda? Kwenzeka kithi soke. Khuyini engasiza ukhumbule? Kubuyelela amaphuzu aqakathekileko.

Nawufundako, jama kancani ucabangisise ngalokho oqeda ukukufunda. Ngilokho umpostoli uPowula akhuthaza ngakho abafowabo nabodadwabo bona bakwenze nabafunda incwadakhe wathi, “Nanti iphuzu eliyihloko.” (Heb. 8:1) Ngendlela le, bekabasiza bazwisise lokho akutjhoko nokuthi koke akutlolileko kuhlangana njani nomongo wesihloko sakhe.

Ungabekela isikhathi eqadi, mhlamunye kungaba mizuzu elitjhumi ngemva kokufunda, ukucabangisisa ngamaphuzu ayihloko ofunde ngawo. Nange ungakghoni ukukhumbula kuhle amaphuzu lawo, buyela emva godu uqale iinhlokwana namkha ufunde umutjho wokuthoma wesigaba ngasinye ukukusiza ukuthi ukhumbule. Nange uqeda ukufunda into etjha, linga ukuyihlathulula ngamezwakho. Ngokucabangisisa ngalokho okufundileko, kuzokuba lula ukukhumbula, kukusize uzwisise ngcono ukuthi ungakusebenzisa njani ekuphileni kwakho.