Ukukhuphuka Kwamazinga Wokutjhisa Ngokudluleleko Ephasini Loke—Lithini IBhayibheli?

NgoJulayi 2022 kubikwe amazinga wokutjhisa aphezulu ngokudluleleko ephasini loke:

• “Sekukwesibili enyangeni le inarha yeChina iyelelisa abantu ngokutjhisa okudluleleko emadorobheni angaba ma-70.”—Julayi 25, 2022, ngokwe-CNN Wire Service.

• “Ngebanga lokuthi i-Europe inamazinga wokutjhisa aphezulu ngokungakajayeleki, amahlathi ayatjha eenarheni ezinengi.”—Julayi 17, 2022, ngokwe-The Guardian.

• “NgoSondo bekutjhisa khulu emadorobheni amanengi e-United States ukudlula ngaphambilini.”—Julayi 24, 2022, ngokwe-The New York Times.

Kutjho ukuthini koke lokhu? Inga-kghani iphasi lizokutjhisa kangangobana singasakghoni ukuhlala kilo? Lithini iBhayibheli?

Inga-kghani ukutjhisa ngendlela edluleleko kuzalisa isiphorofido seBhayibheli?

Iye. Amazinga wokutjhisa adluleleko akuzalisa kuhle lokho iBhayibheli elabikezela ukuthi kuzokwenzeka ngesikhathi sethu. Ngokwesibonelo, uJesu waphorofida ukuthi sizokubona ‘imibono esabekako,’ namkha “izinto ezirarako nezithusako.” (Lukasi 21:11; ngokwe-Good News Translation) Ukukhuphuka kwamazinga wokutjhisa kuthuse abantu abanengi kwabenza bacabanga ukuthi lokho abantu abakwenzako kuzokubangela bona singasakghona ukuhlala ephasina.

Inga-kghani iphasi lizokuba yindawo esingakghoni ukuhlala kiyo?

Awa. UZimu udale iphasi bona libe likhaya labantu ngokungapheliko. (IRhubo 115:16; UMtjhumayeli 1:4) Kunokuvumela abantu bona balitjhabalalise ‘uzokutjhabalalisa labo abatjhabalalisa iphasi,’ njengombana athembisa.—IsAmbulo 11:18.

Akhe sicabangele iimphorofido ezimbili ezitjengisa okhunye uZimu asithembise khona:

• “Ummango nenarha eyomileko zizokuthaba, ummango othabaleleko uzokuthaba bese utlhurhe njengesafroni.” (Isaya 35:1) UZimu angekhe avumele iphasi libe yirhalawumba engahlalekiko, kunalokho uzokulungisa lapha lonakele khona.

• “Utlhogomela iphasi, ulenze lithele inala begodu linothe.” (IRhubo 65:9) UZimu uzokwenza iphasi libe lipharadesi.

Nawufuna ukufunda okwengeziweko ngokuthi ukutjhuguluka kobujamo bezulu kusizalisa njani isiphorofido seBhayibheli, funda isihloko esithi, “Ukushintsha Kwesimo Sezulu Nekusasa Lethu—Okushiwo IBhayibheli.”

Bona ufunde okwengeziweko ngesithembiso seBhayibheli sokuthi iphasi lizokulungiswa njani, funda esithi, “Who Will Save the Earth?”