UJesu Uzobuqeda Ubulelesi

UJesu uyazi ukuthi kunjani ukuphathwa kabuhlungu ngebanga lobulelesi nokuphathwa ngokunganabulungiswa. Waleyelwa amala, wabetjhwa, walingwa, wabotjhwa anganamlandu begodu wabulawa kabuhlungu. Nanyana bekanganamlandu, ngokuzithandela wanikela “ngokuphila kwakhe bona kube mhlatjelo wesihlengo sabanengi.” (Matewu 20:28; Jwanisi 15:13) Nje, uyiKosi yoMbuso kaZimu, kungasikade uzokuletha ubulungiswa ephasini loke bekaqede ubulelesi unomphela.—Isaya 42:3.

IBhayibheli lihlathulula indlela iphasi elizokuba ngayo ngemva kokuthi uJesu sele athathe igadango:

• “Sekusele kancani ukuthi abakhohlakeleko bangasaba khona; uzokuqala lapho ebebakhona, kodwana bazabe bangekho. Kodwana abathobekileko bazokuzuza iphasi, bazokuthaba khulu ngokuthula okukhulu.”—IRhubo 37:10, 11.

Singatjengisa njani ukuthi siyathokoza ngalokho uJesu asenzele khona nalokho asazosenzela khona? Enye indlela kufunda okungeziweko ‘ngeendaba ezimnandi zomBuso kaZimu,’ obekumlayezo ebekawutjhumayela. (Lukasi 4:43) Funda isihloko esithi, “Uyini UMbuso KaNkulunkulu?”