Ukulwisana Nokuba Nesizungu Ngokusiza Abanye—Lithini IBhayibheli?

Abantu ephasini loke bazizwa banesizungu begodu bangakghoni ukutjhidelana nabanye abantu. Ezinye izazi zepilo zikholelwa bona ukusiza abanye yindlela yokwehlisa amazizo anjalo.

• “Ukusiza abantu abanganalitho kungatjho okukhulu ekuphileni kwethu begodu kungasisiza sinciphise ukuzizwa sinesizungu namkha singafuni ukutjhidelana nabanye.”—Ngokwe-U.S. National Institutes of Health.

IBhayibheli linikela iinluleko ezisebenzako zokuthi khuyini esingayenza bona sisize abanye. Ukusebenzisa elikutjhoko kungasisiza silwisane nokuzizwa sinesizungu.

Ongakwenza

Yiba mumuntu ophanako. Funa amathuba wokuba nabanye. Zimisele ukwabelana ngalokho onakho. Nawenza njalo, abantu bazokuthabela begodu lokho kunganenza nibe bangani.

• Ikambisolawulo yeBhayibheli: “Kwenzeni umukghwa ukupha, nani bazanipha.”—Lukasi 6:38.

Siza abanye. Funa iindlela zokusiza abantu abaqalene nobudisi. Lokhu kuhlanganisa ukubalalela ngomusa namkha ukubasiza ngezinto ezingenza ukuphila kwabo kube lula.

• Ikambisolawulo yeBhayibheli: ‘Umngani weqiniso uhlala akhona ngazo zoke iinkhathi bona asize.’—IzAga 17:17, Contemporary English Version.

Ukufumana okungeziweko ukuthi ungahlala njani unobuhlobo obuhle nabanye, funda isihloko esithi, “Ukuphila Komndeni Nabangane.”