Umraro Okhulako Wokuba Nesizungu—Lokho IBhayibheli Elikutjhoko

Ngokombiko wamva nje wephasi loke,a umuntu munye kwabane uzizwa anesizungu.

• “Nanyana ngubani, kungayi ngokuthi ungangani namkha uhlalaphi angazifumana anganabo ubuhlobo nabanye abantu.”​—NgokwakaChido Mpemba, umsizi kasihlalo we-World Health Organization’s Commission on Social Connection.

Ngokuhlukileko nalokho abanengi abangakucabanga, isizungu asibambi kwaphela abantu abadala namkha labo abahlala babodwa kodwana nalabo abasesebatjha, abaphilile emzimbeni, abaphumeleleko nabatjhadileko. Ukungazihlanganisi nabanye nokuba nesizungu kungalimaza umuntu emzimbeni nangokwamazizo.

• “Isizungu singaphezu kokuzizwa kumbi,” kutjho u-Dr. Vivek Murthy, U.S. surgeon general. Ungezelela uthi: “Amathuba wokuhlongakala ngebanga lokungabi nobuhlobo namkha ukuzihlukanisa nabanye ayafana namathuba wokuhlongakala ngebanga lokubhema amahlandla ali-15 ngelanga.”

Lokho okutjhiwo liBhayibheli

UMdalethu akafuni sizihlukanise nabanye. Ihloso kaZimu kukuthi abantu bathabele ubungani obuhle nobanelisako.

• Ikambisolawulo yeBhayibheli: UZimu wathi: “Akusikuhle bona umuntu ahlale yedwa.”—Genesisi 2:18.

UZimu ufuna sakhe ubuhlobo naye. Uthembisa ukuthi uzokutjhidela kithi nasenza umzamo wokutjhidela kuye.​—Jakopo 4:8.

• Ikambisolawulo yeBhayibheli: “Bayathaba abaziko bona batlhoga uZimu ngombana umBuso wezulu ungewabo.”—Matewu 5:3.

UZimu ufuna simlotjhe ndawonye nabanye abantu. Ukwenza njalo, kusisiza bona sizizwe sithabile.

• Ikambisolawulo yeBhayibheli: “Asicabangelaneni ukuthi sivuselelane ithando nemisebenzi emihle, singakuliseleli ukuhlangana kwethu ndawonye, . . . kodwana sikhuthazane.”​—Hebheru 10:24, 25.

Bona ufumane okungeziweko ukuthi kubayini kuqakathekile ukulwa nesizungu, funda isihloko esithi, “Ukuba Nesizungu Ezweni Eligcwele Ezokuxhumana.”