Lwisana Nesizungu Ngokuba Nabangani—Indlela IBhayibheli Elingasiza Ngayo

Into ekhambe phambili emnyakeni wango-2023 kulwisana nesizungu. Kghani singakghona ukuthumba ipi le?

• UDr. Vivek Murthy, we-U.S. surgeon general wathi, “Isizungu nokuzihlukanisa nabantu sitjhijilo esikhulu esingafaka amaphilo nehlalakuhle yethu engozini.” Wangezelela wathi: “Singakghona ukulwisana nesizungu.” Njani? “Singenza izinto ezincani qobe langa, ezizosisiza siqinise ubungani esinabo nabanye.”a

Isizungu asibangelwa kuzihlukanisa nabantu kwaphela. Abanye abantu bazizwa banesizungu ngitjho nalokha bahlangana nabantu. IBhayibheli lingasisiza kunganandaba ukuthi isizungu sibangelwe yini. Linezeluleko ezingasisiza sibe bangani abahle begodu lokho kungasisiza silwisane nesizungu.

Iinkambisolawulo zeBhayibheli ezilisizo

Yiba nomukghwa omuhle wokukhuluma. Lokhu akutjho ukuveza indlela ozizwa ngayo kwaphela kodwana kutjho nokuba silaleli esihle. Lokha nawutjengisa umuntu bona unendaba naye, ubungani benu buzokuqina.

• Ikambisolawulo yeBhayibheli: ‘Ningatshwenyeki ngehlalakuhle yenu kwaphela kodwana nitshwenyeke nangehlalakuhle yabanye.’—Filipi 2:4

Yiba mngani wabantu boke. Zimisele ukuba nabangani abakhulu namkha abancani kunawe, abanamasiko angafani newakho, abavela kwezinye iinarha namkha abavela kwezinye iintjhaba.

• Ikambisolawulo yeBhayibheli: “Vulani iinhliziyo zenu.”—2 Korinte 6:13

Bona ufumane imininingwana eyengeziweko malungana nokuthi ungabuqinisa njani ubungani nabanye, funda isihloko esithi, “Satisfying Our Hunger for Friendship.”