Abantu Abanengi Ephasini Loke Banesizungu​—Khuyini Ongayenza?

• “Pheze isiquntu sabantu abakhulu e-U.S. bathi banesizungu, begodu lokhu kuliqiniso khulukhulu nebantwini abatjha.”​—kutjho i-Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[I-World Health Organization] ihlome isiqhema sabantu abazokwenza irhubhululo malungana nokuba nesizungu, njengombana kumraro wezepilo orhatjheka msinyana, sikhuthaze abantu badzimelele ekwenzeni abangani begodu sifumane iindlela ezingcono zokulwisana nesizungu kizo zoke iinarha kunganandaba ukuthi iinarhezo zitlhaga kangangani.”​—kutjho i-World Health Organization, Novemba 15, 2023.

IBhayibheli lisinikela iinluleko ngokuthi singabafumana njani abangani beqiniso abazosisiza singabi nesizungu.

Iinkambisolawulo zeBhayibheli ezingasisiza

Balekela izinto ezikwenza uhlale wedwa. Izinto ezinjalo zihlanganisa ukusebenzisa khulu zokuthintana. Kunalokho, funa izinto ezizokwenza ube hlangana nabantu begodu ufumane abangani beqiniso.

• Ikambisolawulo yeBhayibheli: “Umngani weqiniso unethando ngazo zoke iinkhathi begodu uba mfowenu ngeenkhathi zokugandeleleka.”​—IzAga 17:17.

Funa amathuba wokusiza abanye. Ukwenzela abanye izinto ezihle akuqinisi ubungani kwaphela kodwana kusenza sizizwe sithabile.

• Ikambisolawulo yeBhayibheli: “Ukupha kuthabisa khulu ukudlula ukwamukela.”​—IzEnzo 20:35.

Ngena kuzinzolwazi lethu bona ufumane imininingwana engeziweko elisizo evela eBhayibhelini malungana nokuthi ungabafumana njani abangani beqiniso.