Ividiyo Etjha Yokuthoma Iimfundo ZeBhayibheli
Ividiyo efitjhani enesihloko esithi, Kubayini Kufuze Ufunde IBhayibheli? ifikelela abantu abanengi ku-jw.org. Ividiyo le yenzelwe ukukhuthaza abantu abanekareko bona bamukele isifundo seBhayibheli sasimahla. Ifumaneka ngokukhetha isihloko esithi “Bawa Isifundo SeBhayibheli” esisekupheleni kwekhasi lesandlalelo nofana ngokusikena ikhowude ye-QR (quick response) egadangiswe ngemva kwephatjhana ngalinye kilawo amatjha. Nanzi ezinye iindlela ezingasisiza bona siyisebenzise ngokuphumelelako ividiyo le.
Nawenza amabuyelo, ungathi kumninimuzi: “Ngibawa ukukutjengisa ividiyo efitjhani ehlathulula bona ungazifumanaphi iimpendulo zemibuzo yeBhayibhelini onayo?” Nakavumako, mtjengise ividiyo kufunjathwakwakho nofana ekhomphyuthanakhe.
Nengabe sikhambisa elinye lamaphetjhana amatjha nesitjhumayela ngokungakahlelwa nofana nasifakaza tjhatjhalazi, mtjengise ikhowudi ye-QR begodu simkhuthaze bona ayisikene kufunjathwakwakhe. Njengombana ngamalimi amanengi ikhowudi ye-QR ikusa ngokunqophileko evidiyweni ekuZinzolwazi yethu, singakghona ukuyidlala khonokho ividiyo sisebenzisa ufunjathwakakho.
Cocela abantu osebenza nabo, ofunda nabo esikolweni, iinhlobo, nabanye obaziko ngevidiyo le, begodu ubawe ukubabukelisa yona. Namkha ubathumelele nge-e-mail i-link yevidiyo, ubabawe bazibukelele yona.
Ngokusebenzisa ilungiselelo elitjheli, singakghona ukuthomisa iimfundo zeBhayibheli ezingeziweko, sibasize ngokomoya labo “abakhethe ukuphila okungapheliko.”—IzE. 13:48.