ISIFUNDO 57
Kuzokwenzekani Nawenze Isono Esikhulu?
Ngitjho nanyana umthanda khulu uJehova begodu ulinga ngamandla ukungamzwisi ubuhlungu, ngasikhathi uzoyenza imitjhapho. Nanyana kunjalo, ezinye izono zikulu kunezinye. (1 Korinte 6:9, 10) Nange wenza isono esikhulu, khumbula ukuthi uJehova usakuthanda, uzimisele ukukulibalela nokukusiza.
1. Khuyini ekufuze siyenze bona uJehova asilibalele?
Labo abathanda uJehova bezwa ubuhlungu nabalemuka ukuthi benze isono esikhulu. Kodwana bafumana induduzo kilokho uJehova akuthembisa abantu bakhe nakathi: “Nanyana izono zenu zingaba bomvu be, zizokwenziwa zibe mhlophe njengegabhogo.” (Isaya 1:18) Nasiphenduka ngehliziyo epheleleko uJehova uzosilibalela. Siphenduka njani? Nasizisolako, kufuze silise ukwenza okumbi sincenge uJehova asilibalele. Ngemva kwalokho sisebenza budisi sisuse imicabango emimbi namkha imikghwa esidosela esonweni begodu silinga ukuphila ngokuvumelana neenkambiso zakaJehova zokuhlwengeka.—Funda u-Isaya 55:6, 7.
2. UJehova ubasebenzisa njani abadala bona basisize nasonileko?
Nasenze isono esikhulu, uJehova usitjela bona ‘sibize abadala bebandla.’ (Funda uJakopo 5:14, 15.) Abadalaba bathanda uJehova nezimvu zakhe. Bafundiswe indlela yokobana basisize ukwenzela bona sibe nobuhlobo obuhle noJehova.—Galatiya 6:1.
Abadala basisiza njani nasenze isono esikhulu? Abadala ababili namkha abathathu bazosisiza basebenzisa iseluleko esifumaneka emiTlolweni. Bazositjela izinto esingazenza begodu basikhuthaze bona singoni godu. Abadala bavikela ibandla ezintweni ezingalilimaza ngokususa ebandleni umuntu owenze isono esikhulu begodu angatjhuguluki.
FUNDA NGOKUNGENELELEKO
Funda bona uzwisise ngcono begodu uthokoze indlela uJehova asisiza ngayo nasenze isono esikhulu.
3. Ukuvuma isono kuvuselela ubuhlobo bethu noJehova
Esinye nesinye isono esisenzako sizwisa uJehova ubuhlungu, nje-ke kufuze sivume isono sethu kuye. Funda iRhubo 32:1-5, bese nicoca ngombuzo lo:
Kubayini kuqakathekile ukuvuma izono zethu kuJehova kunokobana silinge ukuzifihla?
Ngaphezu kokuvuma izono zethu kuJehova, sizizwa ngcono khulu nasifuna isizo kubadala. Dlala IVIDIYO, bese nicoca ngombuzo olandelako.
Evidiyweni le, abadala bamsiza njani uCanon wabuyela kuJehova?
Kufuze sibathululele isifuba abadala begodu sithembeke kibo; bafuna ukusisiza. Funda uJakopo 5:16, bese nicoca ngombuzo lo:
Kubayini kubulula bona abadala basisize nasithembekile kibo?
Vuma isono sakho, thembeka kubadala begodu wamukele isizo lakaJehova lethando
4. UJehova utjengisa umusa labo abenze isono esikhulu
Nangabe umuntu owenze isono esikhulu akafuni ukulandela ikambiso kaJehova, uyasuswa ebandleni begodu asisazihlanganisi naye. Funda yoku-1 kwebeKorinte 5:6, 11 , bese nicoca ngombuzo lo:
Njengombana isibiliso sikhukhumalisa ihlama, ukuzihlanganisa nomuntu osusiweko ebandleni kulithinta njani ibandla?
Abadala balingisa umusa kaJehova nabasiza abantu abasusiweko ebandleni ukuthi babakhuthaze babuye godu. Inengi labantu ekhela suswa ebandleni, ngokukhamba kwesikhathi, liyabuya ebandleni ngombana isiyalo ngitjho nanyana sibuhlungu siyalisiza lilemuke ukuthi lenze okungakalungi.—IRhubo 141:5
Indlela uJehova aphatha ngayo abantu abenze isono esikhulu itjengisa njani ukuthi uyacabangela, unomusa begodu unethando?
5. UJehova uyasilibalela nasiphendukako
UJesu wasebenzisa umfanekiso osisiza sizwisise ukuthi uJehova uzizwa njani umuntu nakaphendukako. Funda uLukasi 15:1-7, bese nicoca ngombuzo lo:
Lokhu kusifundisani ngoJehova?
Funda uHezekiyeli 33:11, bese nicoca ngombuzo lo:
Khuyini eqakathekileko ekufuze siyenze etjengisa bona siyazisola?
UJehova unjengomalusi, uzithanda khulu izimvu zakhe
ABANYE ABANTU BATHI: “Ngiyasaba ukutjela abadala isono sami ngombana ngizokususwa ebandleni.”
Ungathini emuntwini ozizwa ngendlela le?
ISIRHUNYEZO
Nange senze isono esikhulu bese sizisole ngehliziyo yoke, sizimisele nokulisa ukwenza okungakalungi, uJehova uzosilibalela.
Buyekeza
Kubayini kukuhle ukuvuma izono zethu kuJehova?
Khuyini ekufuze siyenze bona silitjalelwe izono zethu?
Nasenze isono esikhulu, kubayini kufuze sifune isizo kubadala?
HLOLA OKUNGENZASI
Qala ukuthi enye indoda yawubona njani umusa kaJehova ekukhulunywa ngawo ku-Isaya 1:18.
Abadala balinga njani ukusiza labo abenze isono esikhulu?
Abadala Bangaba Njani Nethando Nomusa Ebantwini Abenze Isono?” (IsiThala, Arhostosi 2024)
Cabanga ngendlela ithando nomusa otjengiswa labo abatjhugulukako abenze isono
“Indlela Abadala Abangasiza Ngayo Abasusiweko Ebandleni” (IsiThala, Arhostosi 2024)
Endabeni ethi “Bekutlhogeka Bona Ngibuyele KuJehova,” funda ukuthi kubayini indoda eyaphambuka eqinisweni yabona ukuthi nguJehova owayibuyisako.
“IBhayibhili Itjhugulula Amaphilo” (IsiThala, Apreli 1, 2012)