MUTU 6

Kansi pali chiyembekezo chotyani kuli echifwa?

1. Mwa ni uthenga wotyani uweme wonena za akufwa?

Lazaro owukishiwa nopelekewa kuli azilongosi ŵake Malita na Mariya

Yesu pechifwika ku Betaniya kufupi na Yelusalemu, penze pepita masiku 4 Lazaro aliufwe. Yesu pamo na Marita na Mariya, azilongosi a Lazaro wala enze echifwa, eluta ku manda. Pakaliye pita nthawe ikulu, ŵanthu ewunjikana kumanda. Lingililani chinthemwa chenzenacho Marita na Mariya pechiwona kuti Yesu wausha Lazaro!—Ŵelengani Yohane 11:21-24, 38-44.

Marita enzeziŵa kale za uthenga uweme ulaŵila za akufwa. Eziŵa kuti Yehova akaushe ŵanthu echifwa kuti akankhale soti na umi pa chalo.—Ŵelengani Yobu 14:14, 15.

2. Kansi akufwa ali mu nkhalidwe wotyani?

Kulengewa na imfwa ya Adamu — Mulungu echiti kwa Adamu: ‘Niwe lito, kulito uko uzajokele.’—GENESIS 3:19.

Tikafwa paliye chupitilija kunkhala na umi. Tomfwe oleka kuseŵenza, malingililo ŵasu osililatu. Tiliyelengewe na muŵili uli na mzimu usafwa, sewo tepangiwa kufumila ku lito. (Genesis 2:7; 3:19) Pa chikomo chamene ichi, Lazaro aliyelaŵilepo kuti kumanda kwenze enzechitanji.—Ŵelengani Salimo 146:4; Mlaliki 9:5, 6, 10.

Kansi Mulungu onzunza ŵanthu ku mulilo? Baibolo yulaŵila kuti akufwa oziŵalini kalikonse. Tetyo kuphunzisa kuti Mulungu oshoka ŵanthu pa mulilo nikumutalijila wenye. Yove onyansiwa na chiphunziso chamene ichi.—Ŵelengani Yeremiya 7:31.

3. Kansi akufwa angalaŵile nase?

Akufwa angalaŵile lini nase olo kutimvwa. (Salimo 115:17) Koma kuli angelo aiipa, angalaŵile na ŵanthu kuyejelela n’nga ni ŵala echifwa. (2 Petulo 2:4) Yehova olesha kulaŵila na akufwa.—Ŵelengani Deuteronomo 18:10, 11.

4. Niŵani ati akaushiwe?

Munthu wawukishiwa ophunzila za Mulungu pavuli pake ophunzisako ŵanthu ayakine.

Ŵanthu mamiliyoni anyinji ali kumanda azaŵe soti na umi pano pachalo. Ŵala enzochita viipa, echifwa akaliyoziŵa Mulungu, akaushiwe nawo.—Ŵelengani Luka 23:43; Machitidwe 24:15.

Ŵanthu ati akaushiwe akaphunzile chendi cha Mulungu, komasoti akachetekele Yesu nomumvwila. (Chivumbulutso 20:11-13) Ŵala ati akachite viweme pavuli pakuti aushiwa, azaŵe na umi wosasila mpaka kale-kale pano pa chalo.—Ŵelengani Yohane 5:28, 29.

5. Kansi kuushiwa kwa ŵala echifwa kutiuja chinji za Yehova?

Kuushiwa kwa ŵanthu echifwa kutiuja za chikondi, ubwino wake na chinthemwa chake. Yehova etipa chilindililo chakuti akufwa azauke pechitumija Mwana wake kuzotifwela. Niŵani ngako-ngako wamufuna kuzawonana naye akufwa akazaukishiwa?—Ŵelengani Yohane 3:16; Aroma 6:23.

Kuti muziŵe vinyinji lolani nkhani 6, 7 na 10 m’buku yakuti Zimene Baibulo Limaphunzitsa