MOYO WASU WA CHIKHILISITU
Tuwonesha chikondi keno tuyavya chilango cha Yehova
Munthu akachosewa vupangisha kuti mpingo unkhale wotetezeka komasoti chunkhala chilango kuli ŵala achimwa amene olapalini. (1Ak 5:6, 11) Keno tuyavya chilango chamene ichi chofumila kwa Yehova, niye kuti tuwonesha chikondi. Kansi vamene ivi vingankhale tyani vachendi keno kuchosewa kwa munthu kunkhala koŵaŵa kwa ŵanthu onse amene akhuziwa, kupamikijapo abanja ŵake a munthu wamene uyo komasoti komiti yachiweluzo?
Kupambana vonse, keno tuyavya chilango cha Yehova tuwonesha kuti tumukonda komasoti tukonda malamulo ŵechipeleka akuti tinkhale atuŵa. (1Pe 1:14-16) Sewo tuwonesha kuti tukonda munthu wachosewa, olo kuti chilango chunkhala choŵaŵa, koma chuvyala “chitwazi chantendele chamene ni chilungamo”. (Ahe 12:5, 6, 11) Kukatijana na wochosewa olo munthu wazilekanisha kungankhale monga tupepusha chilango cha Yehova. Tufunika kukumbukila kuti Yehova nthawe zonse opeleka chilango kuli atumiki ŵake pa “mulingo woyenelela.” (Yer 30:11) Tetyo, tiyeni tipitilije kukonkha malangizo auzimu komasoti kuyavya chilango cha Yehova, ponkhala na chiyembekezo chakuti munthu wala ajokele kwa Tata wasu wachifundo.—Yes 1:16-18; 55:7.
LOLELANI VIDIYO YAKUTI PITIRIZANI KUKHALA OKHULUPIRIKA NDI MTIMA WONSE PAVULI PAKE YANKHANI MAKONSHO AŴA:
Kansi makolo angamvwe tyani keno mwana wawo waleka kutumikila Yehova?
Kansi mpingo ungayavye tyani banja ya munthu wamene uyo wachosewa?
Kansi ni nkhani yotyani ya m’Baibolo yuwonesha kuti kukhulupilika kwasu kwa Yehova kufunika kunkhala kukulu kupambana mwatingankhalile okhulupilika ku banja?
Kansi tingawoneshe tyani kuti kukhulupilika kwasu kwa Yehova ni kukulu kupambana mwatingankhalile okhulupilika ku banja?