Njila zitatu zatingawoneshele kuti tudalila Yehova

Davide egonjesa Goliyati chifukwa chakuti enzedalila Yehova. (1Sa 17:45) Yehova ofuna kuwonesha mphamvu zake poyavya atumiki ŵake onse. (2Mb 16:9) Kansi mungadalile tyani thandizo yakupeleka Yehova mmalo modalila nzelu komasoti luso yanu? Pali njila zitatu zamungachite:

• Mukopemphela pafupi-pafupi. Osati mukopemphela tyala kuti mukhululukiliwe pavuli pakuti mwachita vinthu viipa, koma mukopemphelasoti posenga mphamvu pa nthawe yamuyesewa kuti muchite vinthu viipa. (Mt 6:12, 13) Mukopemphela osati tyala kuti Yehova adalise vosankha vemwichita kale koma mukopemphelasoti kuti yove akusogoleleni komasoti kuti akupaseni nzelu mukaliyepanga vosankha.—Yak 1:5

• Mukonkhala na ndandanda yoŵelenga komasoti kuphunzila Baibolo. Mukoŵelenga Baibolo nsiku iliyonse. (Sl 1:2) Mukopatula nthawe yoganizila visanzo va m’Baibolo, ndipo mukokatishila ntchito vinthu vamwaphunzila. (Yak 1:23-25) Mukokonzekela utumiki mmalo modalila tyala vinthu vemwichita kale. Mukopindula mokwanila na misonkhano ya mpingo ndipo mukokonzekelelatu nsiku ya misonkhano ikaliyefwika.

• Mukochita vinthu mokatijana na gulu ya Yehova. Mukoŵaziŵa mokulumija malangizo alombapano a gulu, ndipo mukoŵakonkheja mokulumija. (Nu 9:17) Mukonkhala okonzeka kuŵamvwila akulu akakupasani uphungu komasoti malangizo.—Ahe 13:17

LOLELANI VIDIYO YAKUTI PALIBE CHIFUKWA CHOOPERA KUNZUNZIDWA, NDIPO PAVULI PAKE YANKHANI MAKONSHO AŴA:

• Kansi abale na alongo enze na wowa wotyani?

• Kansi n’chinji chiŵayavya kuti akwanishe kulimbana na wowa wawo?