Mungakwanishe kuyavya banja yanu kuti ikonkhala mosangalala

Yehova ofuna kuti mabanja akonkhala mosangalala. (Sl 127:3–5; Mla 9:9; 11:9) Koma olo n’tetyo, chisangalalo chasu chingasokonezewe na mavuto a ichi chalo chiipa, komasoti vakuphoniyesha achibale ŵasu. Kansi aliyense m’banja angachite tyani kuti banja ikonkhala mosangalala?

Mwanalume opeleka ulemu kuli mwanakazi wake. (1Pe 3:7) Yove opatula nthawe yotandala naye. Yove ochita vinthu mwachilungamo pa vakuyembekezela kuli mwanakazi wake, ndipo owonesha kutembeja pa vakumuchitila monga munthu payeka komasoti monga banja. (Akl 3:15) Yove ochita naye vinthu mwachikondi komasoti omulemekeza.—Miy 31:28, 31.

Mwanakazi osakila-sakila njila zangayavyileko mwanalume wake. (Miy 31:12) Yove omugonjela mwanalume wake, ndipo ochita vinthu mokatijana naye. (Akl 3:18) Yove olaŵila naye mowana ntima, komasoti ochita naye vinthu mowama ntima.—Miy 31:26.

Makolo opatula nthawe yotandala na ŵana ŵawo. (De 6:6, 7) Ndipo oŵauja ŵana ŵawo kuti oŵakonda. (Mt 3:17) Popeleka chilango, owonesha chikondi komasoti kuziŵa vinthu.—Aef 6:4.

Ŵana olemekeza komasoti kumvwila makolo ŵawo. (Miy 23:22) Ove oŵauja makolo ŵawo maganizo ŵawo komasoti mwakumvwila. Ove olondela chilango chofumila kuli makolo ŵawo ndipo oŵalemekeza.—Miy 19:20.

LOLELANI VIDIYO YAKUTI MUKOSANGALALA M’BANJA MWANU, NDIPO PAVULI PAKE YANKHANI KONSHO IYI YOKONKHAPO:

Kansi aliyense mu vidiyo iyi echita tyani kuti ayangijile chisangalalo m’banja?