MOYO WASU WACHIKHILISITU
Yehova opulumusha ŵanthu ŵala amene olimvwila chisoni mwauzimu
Munthu aliyense akumvwa chisoni nthawe ziyakine. Kumvwa chisoni kutanthauzalini kuti nise ofoka mwauzimu. Kulaŵila chendi, naye Yehova nthawe ziyakine ewonesha kuti echimvwa chisoni. (Ge 6:5, 6) Koma tyani keno munkhala okhumudwa nthawe zinyinji kapena nthawe zonse?
Mukosenga Yehova kuti akuyavyeni. Yehova ochita chidwi ngako na thanzi yasu ya mmaganizo komasoti yauzimu. Yove oziŵa tikankhala osangalala komasoti keno tikumvwa chisoni. Yove omvwisha chifukwa chake sewo nthawe ziyakine tuganiza komasoti kumvwa mwanjila yamene iyo. (Sl 7:9b) Chinthu chofunika ngako n’chakuti Yehova otidela nkhaŵa, ndipo yove angatiyavye kulimbana na chisoni komasoti vuto yovutika maganizo.—Sl 34:18.
Mukoteteza maganizo ŵanu. Maganizo osayenelela angasokoneze chisangalalo chasu komasoti kulambila kwasu. Pachifukwa chamene ichi, sewo tingachite luweme kuteteza ntima wasu—umunthu wasu wonse wankati.—Miy 4:23.
LOLELANI VIDIYO YAKUTI MWAMENE ABALE ŴASU MWAKUSANGALALILA NA NTENDELE, NDIPO PAVULI PAKE YANKHANI MAKONSHO AŴA OKONKHAPO:
Kansi ni vinthu votyani venzechita Nikki vamene vimuyavya kuti apilile vuto yake yovutika maganizo?
Ndaŵa yanji Nikki ewona kuti yove enzefunikila thandizo ya chipatala?—Mt 9:12
Kansi Nikki ewonesha tyani kuti enzedalila Yehova kuti amuyavye?