OKUTOBA 13-19
MLALIKI 7-8
Nyimbo N.° 39 na Pemphelo | Mawu oyamba (1 min.)
1. “Ni chinthu chiweme kuluta kung’anda ya malilo”
(10 min.)
Mukofwana nthawe yotonthoja ŵanthu amene ali na chisoni (Mla 7:2; Insight “Kulila” ndim. 9)
Mungaŵatonthoje polaŵila minkhalidwe iweme yenze nayo munthu wamene uyo akaliye mwalila (Mla 7:1; Nsanja ya Mulonda 06/2019 pedji 23 ndim. 15)
Mukopemphela nawo pamozi (Nsanja ya Mulonda 07/2017 pedji 16 ndim. 16)
VAMUFUNIKA KUKUMBUKILA: Kanyinji-kanyinji, munthu akafwiliwa ofunikila kuyavyiwa na Akhilisitu ayake kwa nthawe itali pavuli pa imfwa ya munthu wenzekonda ngako.—Nsanja ya Mulonda 07/2017 pedji 16 ndim. 17-19.
2. Kusakila-sakila Mfundo zingatiyavye
(10 min.)
Mla 7:20-22—Kansi mavesi amene aŵa angatiyavye tyani kuziŵa keno tufunikila kupitilija kulaŵila na munthu wamene watiphoniyela olo yayi? (Nsanja ya Mulonda 03/2023 pedji 31 ndim. 18)
Kansi ni mfundo zotyani zamwafwana mu chuma chauzimu pakuŵelenga Baibolo kwa ino sondo zamungafotokoze?
3. Kuŵelenga Baibolo
(4 min.) Mla 8:1-13 (th phunzilo 10)
4. Kuyambisha makambilano
(2 min.) ULALIKI WAPATUŴA. Fwanani nkhani yamene ingamuchitishe chidwi munthu wamene uyo, ndipo pangani makonzedwe kuti muzakambilane naye nkhani yamene iyo pakapita nthawe. (Kondani ŵanthu mutu 2 mfundo 4)
5. Kuyambisha makambilano
(2 min.) ULALIKI WAMWAMWAYI. (Kondani ŵanthu mutu 2 mfundo 3)
6. Kukonkheja
(2 min.) ULALIKI WA NG’ANDA NA NG’ANDA. Muujeni za webisaiti ya jw.org. (Kondani ŵanthu mutu 9 mfundo 4)
7. Kufotokoza vamukhulupilila
(5 min.) Chisanzo. Makonsho okonshewa nkhani namba 50—Mutu: Kansi Amboni za Yehova okhulupilila votyani pankhani ya malilo? (th phunzilo 17)
Nyimbo N.° 151
8. Tang’ishani chikhulupililo chanu pankhani ya kuuka kwa ŵanthu akufwa
(15 min.) Nkhani yokambilana.
Lonjezo yawatipasa Yehova yakuti akufwa azauke ni yapadela ngako kuli sewo. Lonjezo yamene iyi yutiphunzisa za minkhalidwe iweme ya Yehova monga—mphamvu zake, nzelu, chifundo, komasoti kuti otikonda ngako aliyense payeka-payeka.—Yoh 3:16.
Keno tukhulupilila ngako kuti akufwa azauke, tuganizila ngako vinthu vakusogolo ndipo tudelalini nkhaŵa ngako tikakumana na mavuto. (2Ak 4:16-18) Tingafwanesoti chitonthojo komasoti ntendele olo panthawe yatutamanishiwa na adani ŵasu, keno tulwala komasoti munthu watukonda ngako akamwalila. (1At 4:13) Nivosakwanishika kunkhala osangalala keno tukhulupililalini kuti akufwa azauke. (1Ak 15:19) Mungachite luweme kutang’isha ngako chikhulupililo chanu pankhani yokhuza chiyembekezo chamene ichi.
Ŵelengani Yohani 11:21-24. Pavuli pake konshani omvwishila kuti:
Kansi Malita ewonesha tyani kuti enzekhulupilila ngako kuti akufwa azauke?
Kansi Mulungu emudalisa tyani chifukwa cha chikhulupililo chake?—Yoh 11:38-44
Lolelani VIDIYO yakuti Konkhejani anakazi a chikhulupililo chotang’a!—Malita. Pavuli pake konshani omvwishila kuti:
Ndaŵa yanji mutembeja chifukwa cha chiyembekezo chamuli nacho chokhuza kuuka kwa akufwa?
Kansi mungachite tyani kuti mupitilije kukhulupilila ngako kuti akufwa azauke?