OKUTOBA 20-26
MLALIKI 9-10
Nyimbo N.° 30 na Pemphelo | Mawu oyamba (1 min.)
1. Mukowona mavuto ŵanu mwanjila yoyenelela
(10 min.)
Sewo tuziŵa kuti mavuto ŵatukumana nawo ni umbonilini wakuti Yehova okondwelalini nase (Mla 9:11; Nsanja ya Mulonda 15/08/2013 pedji 14 ndim. 20-21)
Sewo tuyembekezelalini kuti tingankhale na moyo uliye mavuto muli ichi chalo cha Satana (Mla 10:7; Nsanja ya Mulonda 09/2019 pedji 5 ndim. 10)
Tufunikila kufwana nthawe yosangalala na mphaso zosiyana-siyana zawatipasa Yehova olo kuti tukumana na mavuto (Mla 9:7, 10; Nsanja ya Mulonda 15/10/2011 pedji 8 ndim. 1-2)
2. Kusakila-sakila Mfundo zingatiyavye
(10 min.)
Mla 10:12-14—Kansi mavesi amene aŵa ali na chenjezo yotyani yokhuza tonjo? (Insight “Tonjo” ndim. 4, 8)
Kansi ni mfundo zotyani zamwafwana mu chuma chauzimu pakuŵelenga Baibolo kwa ino sondo zamungafotokoze?
3. Kuŵelenga Baibolo
(4 min.) Mla 10:1-20 (th phunzilo 11)
4. Kuyambisha makambilano
(3 min.) ULALIKI WAPATUŴA. Kambilannani na munthu wamene ali na chisoni. (Kondani ŵanthu mutu 3 mfundo 4)
5. Kuyambisha makambilano
(4 min.) ULALIKI WAMWAMWAYI. Katishilani ntchito “Choonadi chatukonda kuphunzisa” mu kabuku ka Kondani ŵanthu Zakumapeto A kuti mukambilane na munthu wamene odela nkhaŵa pankhani za chuma. (Kondani ŵanthu mutu 4 mfundo 4)
6. Kupanga ophunzila
(5 min.) Sangalalani na moyo phunzilo 17 mfundo zachidule, na makonsho oweleja, komasoti cholinga. (Kondani ŵanthu mutu 12 mfundo 3)
Nyimbo N.° 47
7. Yehova azakuyavyeni pa nthawe ya mavuto
(15 min.) Nkhani yokambilana.
Sewo tukumana na mavuto osiyana-siyana pa moyo wasu wa nsiku na nsiku. Koma olo ni tetyo, mavuto ayakine owela mwazizizi ndipo onkhala oŵaŵa ngako mwakuti angatifokeshe mwamaganizo, mwakuthupi komasoti mwauzimu. Kansi niŵani angatiyavye ndipo ni chinji chatingachite tikakumana na mavuto akulu ngako?
Yehova angatiyavye nthawe zonse ‘kulimvwa kuti nise otetezeka’ viliye kanthu kuti takumana na mavuto otyani. (Yes 33:6) Kuti tikodalila Yehova tufunikila kuwona vinthu mwachikati-kati komasoti kunkhala olichefya. (Miy 11:2) Tikakumana na mavuto akulu, tufunikila kufwana nthawe yokwanila kuti tikwanishe kupanga vosankha mwanzelu, kusamalila munthu watukonda, kulisamalila seka komasoti kulila. (Mla 4:6)
Chifukwa chakuti Yehova okatishila ntchito Akhilisitu ayasu kuti atiyavye, tufunikila kuŵalola akafuna kutiyavya komasoti kuŵasenga tikafunikila thandizo. Tikokumbukila kuti Akhilisitu ayasu otikonda ngako, ndipo osangalala kutiyavya.
Ŵelengani 2 Akolinto 4:7-9. Pavuli pake konshani omvwishila kuti:
Ndaŵa yanji tufunikila kuchita vonse vatingakwanishe kuti tipitilije kuchita vinthu vauzimu olo kuti kuchita vamene ivo kungankhale kovuta?
Lolelani VIDIYO yakuti Yehova ali pafupi na ŵanthu ofwaika ntima. Pavuli pake konshani omvwishila kuti:
Kansi Yehova eyavya tyani Nkwasu komasoti Kalongosi Septer?
Kansi Akhilisitu ayawo eŵayavya tyani?
Kansi mwaphunzilapo chinji kufumila pa chisanzo chawo?
8. Phunzilo ya Baibolo ya mpingo
(30 min.) Zimene Tingaphunzire M’nkhani za M’Baibulo mutu 28 Mawu Oyamba Gawo 6 komasoti mutu 29