Mukophunzila mwanjila yamene ingakuyavyeni kunkhala tchelu

Ŵelengani Danieli 9:1-19 kuti muwone ubwino wophunzila malemba mwakhama.

Ziŵani vinyinji vokhuza nkhani yamene iyo. Kansi ni vinthu votyani vechitika kwasala nthawe itontho kuti nkhani yamene iyo ilembewe, ndipo vemukhuza tyani Danieli? (Dan. 5:29–6:5) kansi sembe mwechimvwa tyani kuti mwewo mwenze Danieli?

Phunzilani vinyinji. Kansi ni “mabuku opatulika” otyani ŵenzephunzila mosamala Danieli? (Dan. 9:2, mawu amnyansi; Nsanja ya Olonda 1/01/2011 pedji 22 ndim. 2) Ndaŵa yanji Danieli eulula machimo ŵake komasoti ŵa ntundu wa Isiraeli? (Lev. 26:39-42; 1 Maf. 8:46-50; Ulosi wa Danieli! pedji 182-184) Kansi pemphelo ya Danieli yuwonesha tyani kuti yove enzephunzila Mawu a Mulungu mwakhama?—Dan. 9:11-13.

Ganizilani vinthu vamuphunzilapo. Likonsheni kuti:

• ‘Kansi ningachite tyani kuti nipewe kusokonezewa na vochitika va muli chino chalo?’ (Mik. 7:7)

• ‘Kansi ni mapindu otyani ŵaningafwane pophunzila Mawu a Mulungu mwakhama monga ni mwenzechitila Danieli?’ (Nsanja ya Olonda 1/08/2004 pedji 12 ndim. 17)

• ‘Kansi ni nkhani zotyani zanigaphunzile paneka zamene zinganiyavye kuti ‘nipitilije kunkhala menso’?’ (Mat. 24:42, 44; Nsanja ya Olonda 15/08/2012 pedji 5 ndim. 7-8)