Mukoganizila mfundo zikulu-zikulu zamwaphunzila

Kansi nthawe ziyakine vukuvutani kukumbukila vinthu vamwaphunzila? Vamene ivi vuchitikila aliyense wasewo moweleja-weleja. Koma kansi n’chinji chingatiyavye? Chingatiyavye nikuwelejela mfundo zikulu-zikulu zataphunzila.

Keno muphunzila, mukopanama kuti muganizile mfundo zofunika ngako. Onani vechichita Paulo kuti ayavye ŵanthu ŵechilembela kalata kuti aganizile mfundo zikulu-zikulu, yove elembe kuti: “Pavinthu vatulaŵila ivi, mfundo ikulu niyakuti.” (Ahe. 8:1) Mwanjila yamene iyi, yove eŵayavya kuti amvwishe tanthauzo ya vinthu vechiŵalembela komasoti kukatijana kwake.

Mungachite luweme kupatula nthawe, olo kwa 10 minesi kumapeto kwa phunzilo yanu kuti muganizile mfundo zikulu-zikulu zamwaphunzila. Keno mukumbukilalini luweme mfundo zikulu-zikulu, mungaŵelengesoti tumitu tutontho-tutontho—olo mawu oyambilila mundime iliyonse—kuti mukumbukile vinthu vamwaŵelenga. Mukafwana mfundo yanyowani, mukoyeja kuwona mwamungaifotokozele m’mawu ŵanu-ŵanu. Kukumbukila mfundo zikulu-zikulu zamwaphunzila kungakuyavyeni kuti munkhale na luso yokumbukila vinthu, komasoti kuwona mwamungazikatishile ntchito pamoyo wanu.