Kansi muiona tyani Baibolo?
Kansi muiona monga ni . . .
buku ya nzelu za ŵanthu?
buku ya visilili?
malizu ya Mulungu?
BAIBOLO YULAŴILA KUTI
‘Malemba wonse yewujiliwa na Mulungu.’—2 Timoteyo 3:16, Baibulo la Dziko Latsopano.
MWA KUZIŴA VAMENE IVI KUNGAKUYAVYENI TYANI?
Mungafwane mayankho okata ntima a makonsho ofunika ngako pa umi.—Miyambo 2:1-5.
Mungafwane malangizo ochetekeleka pa umi wa nsiku na nsiku.—Salimo 119:105.
Mungaŵe na chilindililo ngacho-ngacho kusogolo.—Aroma 15:4.
MWA TUWAMILA KUCHETEKELA CHENDI VAYULAŴILA BAIBOLO?
Ee, pa vikomo vitatu:
Kukatijana mochitisha kaso. Baibolo yelembewa vyaka vopitilila 1.600 na ŵanthu okwanila 40 osiyana-siyana. Anyinji mwa ŵanthu amene awo aliye nowonaneko kumo. Koma Baibolo yonse ni yokatijana komasoti ili na nkhani ikulu imozi.
Elemba Baibolo eilemba mochetekeleka ntima. Ŵanthu olemba nkhani nthawe zinyinji okonda kufisa viyakine vechitikila ŵanthu a ntundu wawo monga kugonjesewa pa nkhondo.—2 Mbiri 36:15, 16; Salimo 51:1-4.
Nthawe zonse maulosi ya m’Baibolo yokwanilishiwa. Baibolo yelaŵililatu za kuchenekewa kwa tauni yakale ya Babulo kukali vyaka 200 kuti ivi vichitike. (Yesaya 13:17-22) Yelaŵila mwayikuti izachenekelewe tauni komasoti munthu akuti azatangulile Masocha akuyacheneka tauni yamene iyo!—Yesaya 45:13.
Palisoti maulosi ayakine anyinji yekwanilishiwa ndendende na veilaŵila Baibolo. Kansi umu niyelini moyufunikila kuŵela buku yofumila kwa Mulungu?—2 Petulo 1:21.
KONSHO YAKUTI MUKOLINGILILA
Kansi malizu ya Mulungu yangakuyavyeni tyani kuti muŵe na umi uweme?
Baibolo yuyankha konsho yamene iyi pa Yesaya 48:17, 18 na pa 2 Timoteyo 3:16, 17.