MBALI YOYAMBA YA MAKONSHO OWELEJA

Kansi n’chinji chukusangalasani mwewo na malonjezo a m’Baibolo akusogolo?

Ndaŵa yanji mwewo mukhulupilila kuti Baibolo ni Mawu a Mulungu?

Ndaŵa yanji nikofunika kukatishila ntchito zina ya Yehova?

Baibolo yunena kuti Mulungu niye “nyenje ya moyo.” (Salimo 36:9) Kansi mwewo mukhulupilila vamene ivi?

Ŵelengani Miyambo 3:32.

• Ndaŵa yanji Yehova ni shamwali muweme watingankhale naye?

• Kansi Yehova oyembekezela chinji kuli azishamwali ŵake? Kansi mwewo muganiza kuti vamene ivi n’vomvwika?

  (Onani Mutu 07 komasoti 08.)

Ŵelengani Salimo 62:8.

• Kansi ni vinthu viyakine votyani vemwipemphelelako kale kwa Yehova? Kansi mungapemphelelesoti chinji?

• Kansi Yehova oyankha tyani mapemphelo?

  (Onani Mutu 09.)

Ŵelengani Aheberi 10:24, 25.

• Kansi mwewo mungapindule tyani na misonkhano ya Mboni za Yehova?

• Kansi muganiza kuti kuyeja-yeja kupezeka pa misonkhano n’kofunika?

  (Onani Mutu 10.)

Ndaŵa yanji kuŵelenga Baibolo nsiku iliyonse n’kofunika? Kansi ndandanda yanu ya kuŵelenga Baibolo kwa nsiku na nsiku ili tyani?

Kansi n’chinji chamwasangalala nacho ngako chifukwa chophunzila Baibolo pofwika pano?

Kufumila pemwiyamba kuphunzila Baibolo, kansi ni mavuto otyani amwakumana nawo, keno alipo? Kansi n’chinji chingakuyavyeni kuti mupitilije kuphunzila?