Mukochita vinthu mwanzelu

Vechichita Paulo

VIDIYO: Paulo olalikila kuli ŵanthu aku Atene

1. Lolelani VIDIYO, kapena ŵelengani Machitidwe 17:22, 23. Ndipo ganizilani makonsho aŵa:

1. Kansi Paulo echimvwa tyani na miyambo ya chipembezo chawenye yechiwona ku Atene?—Onani Machitidwe 17:16.

2. Mmalo moŵazuzula, kansi Paulo ekatishila tyani ntchito mwanzelu venzekhulupilila ŵanthu amene awo poŵalalikila uthenga uweme?

Kansi tuphunzila chinji kuli Paulo?

2. Ŵanthu angatimvwishile keno tusankha luweme mawu ŵatingalaŵile, mwatingalaŵilile, komasoti nthawe yatingalaŵile mawu amene awo.

Konkhejani Paulo

3. Mukosankha mawu osangalasa. Mwachisanzo, polaŵila na munthu wamene ni Mbonilini, mungafunike kuchinja mwamutomolela Baibolo kapena mwamutomolela Yesu.

4. Osati mukokulumija kuweluza munthu. Mukomulola kuti akofotokoza momasuka. Keno walaŵila vinthu vosiyana na vayuphunzisa Baibolo, mukopewa kukangana naye. (Yak 1:19) Keno mumvwishila vakulaŵila, niye pamungaziŵe maganizo ŵake.—Miy. 20:5.

5. Mukokatijana nawo ŵanthu ndipo mukoŵatembeja keno nivokwanishika.Ove angasimikijile mofumila pansi pa ntima kuti vachuphunzisa chipembezo chamene ichi n’vachendi. Poyamba mungakambilane naye mfundo zakukatijana nazo, ndipo patontho-patontho mungayambe kumuyavya kumvwisha vayuphunzisa Baibolo.