Kulichefya

Mfundo yofunika kuiganizila: “Koma molichefya, nowona ayanu kunkhala okuposhani.”—Afil. 2:3.

Vechichita Paulo

Mtumwi Paulo, pechimangiwa na mulonda, elaŵila mwaulemu kuli mfumu Agiripa, bwanankubwa Fesito na Berenike.

VIDIYO: Paulo elalikila Mfumu Agiripa

1. Lolelani VIDIYO, kapena ŵelengani Machitidwe 26:2, 3. Ndipo ganizilani makonsho aŵa:

Kansi mawu a Paulo ewonesha tyani kuti enze wolichefya penzelaŵila na Mfumu Agiripa?
Kansi Paulo ewonesha tyani kuti enzekonda Yehova, ŵanthu, malemba, osati yove yeka?—Onani Machitidwe 26:22.

Kansi tuphunzila chinji kuli Paulo?

2. Uthenga wasu unkhala wosangalasa ngako keno tuwulalikila molichefya komasoti mwaulemu.

Konkhejani Paulo

3. Mukolaŵila mwaulemu. Osati mukoliwonesha kuti muziŵa vonse ndipo ayanu oziŵalini chilichonse. Mukolaŵila nawo mwaulemu.

4. Mukowonesha luweme kuti vamuphunzisa n’vofumila m’Baibolo. Mawu a Mulungu angakhuze ŵanthu ayakine mukaganizidwe kawo komasoti mwakumvwila. Keno tingaŵakatishile ntchito luweme, tingatang’ishe chikhulupililo chawo kuti chinkhale na maziko.

5. Mukonkhala ofasa. Osati mukoliwonesha kuti nimwe wachilungamo. Mukochefya nkangano. Mukolichefya poyankha modekha noziŵa nthawe yamufunika kufumapo. (Miy. 17:14; Tit. 3:2) Keno mungayankhe modekha niye kuti angazamvwishila uthenga wanu nthawe iyakine.

ONANISOTI

Aro. 12:16-18; 1 Akor. 8:1; 2 Akor. 3:5