Kuphunzisa m’njila yosavuta

Vechichita Yesu

VIDEO: Yesu ewonesha chisanzo cha mwamene Atata ŵasu mwakutisamalilila

1. Lolelani VIDIYO, kapena ŵelengani Mateyu 6:25-27. Ndipo ganizilani makonsho aŵa:

1. Kansi Yesu ewonesha tyani kuti Yehova otisamalila?

2. Olo kuti Yesu enzeziŵa vinyinji vokhuza tunyoni, kansi yove eyika maganizo ŵake pa vinthu votyani? Ndaŵa yanji yamene iyi yenze njila iweme yophunzisila?

Kansi tuphunzila chinji kuli Yesu?

2. Keno tuphunzisa mu njila yosavuta kumvwa, ŵanthu akokumbukila vataŵaphunzisa komasoti vikoŵafwika pa ntima.

Konkhejani Yesu

3. Osati mukolaŵila ngako. M’malo molaŵila vonse vamuziŵa vokhuza nkhani iyakine, laŵilani mfundo zili m’buku yatukatashila ntchito pophunzisa. Mukakonsha konsho, yembekezelani moleza ntima kuti wophunzila wanu ayankhe. Keno wophunzila oziŵalini yankho kapena olaŵila maganizo amene okatijanalini na vayuphuzisa Baibolo, katishilani ntchito makonsho oyangijila kuti mumuyavye kuganizila za nkhani yamuphunzila. Pavuli pakuti wophunzila wanu waimvwisha mfundo ikulu ya nkhani yamene iyo, pitilijani kuphunzila.

4. Mukoyavya wophunzila wanu kukatishila ntchito vinthu vanyowani na vakuziŵa kale. Mwachisanzo, mukaliye yamba kukambilana naye za kuuka kwa akufwa, mungawelejelesoti mwachidule kukambilana naye wophunzila wanu vawaphunzilako kale vokhuza akufwa.

5. Mukokatishila ntchito visanzo mosamala. Mukaliye katishila ntchito chisanzo, likonsheni kuti:

1. ‘Kansi chisanzo chamene ichi ni chosavuta?’

2. ‘Kansi wophunzila wangu angachimvwishe mosavuta?’

3. ‘Kansi chisanzo chanufuna kupeleka chiyavye wophunzila wangu kukumbukila mfundo ikulu—osati awokungokumbukila tyala chisanzo chanapeleka?’