Kansi alongo angachite chinji kuti akochita vinyinji potumikila Yehova?

Alongo ochita vinthu vinyinji vofunika poyavya pa ntchito ya Ufumu. (Sl 68:11) Ove ochitisha maphunzilo a Baibolo anyinji a pang’anda ndipo anyinji mwa alongo amene aŵa na apainiya onkhazikika. Alongo masauzande anyinji okata ntchito pochita utumiki wapa Beteli, wa umishonale, utumiki wa zomanga-manga kwa masiku oŵelengeka, pamene ayakine ochita utumiki wamene uyu kwa nthawe zonse komasoti ayakine okata ntchito yomasulila. Alongo otang’a mwauzimu olimbikisa mabanja komasoti mipingo. (Miy 14:1) Olo kuti alongo angatumikilelini monga akulu olo atumiki othandiza, angankhale na volinga mu mpingo. Keno mwewo nimwe mulongo, kansi ni vinthu viyakine votyani vingakuyavyeni kuti muchite vinyinji potumikila Yehova?

• Mukokulisha minkhalidwe iweme ya Chikhilisitu.—1Ti 3:11; 1Pe 3:3–6

• Mukoyavya alongo mu mpingo amene aliye luso ngako.—Tit 2:3–5

• Mukoyeja-yeja kusila nthawe ikulu mu utumiki komasoti kunkhala aluso

• Phunzilani chilaŵilo chiyakine

• Fulukilani kumalo kwamene kufunikila ofalisa anyinji

• Lembani fomu yosenga kuti mukatumikile pa Beteli, olo kuti mukayavye pa ntchito ya ufumu ya zomanga-manga

• Lembani fomu yosenga kuti mukaloŵe Sikulu ya Akhilisitu Olalikila za Ufumu

LOLELANI VIDIYO YAKUTI AKAZI OGWIRA NTCHITO MWAKHAMA POTUMIKIRA AMBUYE, NDIPO PAVULI PAKE YANKHANI MAKONSHO AŴA:

• Kansi ndemanga za mulongo aliyense zakulimbikisani tyani mwewo?