Mukochita vinthu na anakazi achikulile monga amayi ŵanu, anakazi atontho-atontho monga azilongosi ŵanu

Malemba otiuja kuti tikochita vinthu na Akhilisitu achikulile monga amayi ŵasu komasoti atata ŵasu ndipo akhilisitu atontho-atontho monga abale ŵasu. (Ŵelengani 1 Timoteyo 5:1, 2.) Makamaka abale ofunika kuchita vinthu na alongo mwaulemu komasoti moŵalemekeza.

Paliye m’bale angafune kukopana olo kuchita chinthu chilichonse chamene chingachitishe mulongo kunkhala womasuka mopitilila malile mukankhala naye pafupi. (Yob 31:1) M’bale akaliyelungula ofunikalini kusoŵelesha maganizo a mulongo akaliyelunguliwa, na kumuchitisha kumvwa kuti ofuna kunkhala naye pachibwenzi koma ochitalini vamene ivi.

Akulu ofunika kuganizila na kuchita vinthu mowama ntima na alongo, amene mwaulemu angaŵakonshe olo keno angaŵafotokozele vinthu viyakine vakufunikila kuyavyiwa. Akulu ofunika kuganizila ngako alongo ŵala aliye analume amene angaŵateteze.​—Ru 2:8, 9.

LOLELANI VIDIYO YAKUTI KUWONESHA CHIKONDI NGACHO-NGACHO MU MPINGO​—KULI AMASIYE, NDIPO PAVULI PAKE YANKHANI MAKONSHO AŴA:

• 

  Kansi mpingo wiwonesha tyani chikondi chikulu kuli mulongo Myint?

• 

  Kansi chikondi cheuwonesha mpingo chechitila tyani umboni uweme kudela yamene iyo?

• 

  Kansi chikondi cheuwonesha mpingo chikhuza tyani ŵana a mulongo Myint?

Kansi ni njila ziyakine zotyani zamungawoneshele chikondi kuli alongo a mumpingo mwanu?