Mukoyavya ophunzila Baibolo ŵanu kuti aleke viyoloŵezi viipa

Ŵanthu ŵala amene ali na minkhalidwe iweme niye angankhale pa ushamwali wotang’a na Yehova. (1Pe 1:14-16) Ophunzila Baibolo akagonjesa viyoloŵezi viipa, vinthu vingoŵayendela luweme m’banja mwawo, angankhale na thanzi iweme komasoti olo pa nkhani ya ndalama.

Afotokozeleni momvwika luweme minkhalidwe ya Yehova, chifukwa chake ofunika kuikonkheja komasoti mapindu owela chifukwa chokonkheja malangizo amene awo. Ikani ngako maganizo ŵanu poyavya ophunzila ŵanu kuchinja kaganizidwe kawo, ndipo akachita tetyo ove akwanishe kuchita vakufuna Mulungu. (Aef 4:22-24) Asimikijileni kuti na thandizo ya Yehova, ove angakwanishe kuleka kuchita vinthu viipa vankhala ochita kwa nthawe itali. (Afi 4:13) Aphunziseni kuti akopemphela kwa Yehova keno oyesewa kuti achite chimo. Ayavyeni kuti akoziŵilatu vinthu vingaŵaike pa chiyeso novipewa pa nthawe yamene vingankhale vovuta kuchita vinthu viweme. Ayavyeni kuti aleke viyoloŵezi viipa noyamba kuchita vinthu viweme. Tunkhala osangalala powona kuti ophunzila Baibolo ŵasu vinthu vuŵayendela luweme chifukwa chochinja moyavyiwa na Yehova.

LOLELANI VIDIYO YAKUTI MUZITHANDIZA AMENE MUKUPHUNZIRA NAWO BAIBULO KUTI ASIYE MAKHALIDWE OIPA, NDIPO PAVULI PAKE YANKHANI MAKONSHO AŴA:

• 

  Kansi akulu komasoti Neeta ewonesha tyani kuti enzemukhulupilila Jade?

• 

  Kansi Neeta epeleka thandizo yotyani kwa Jade?

• 

  Kansi Jade esenga tyani thandizo kwa Yehova?