KUPHUNZISA NA LUSO MU UTUMIKI | YANGIJILANI CHISANGALALO CHANU MU UTUMIKI
Mukoyavya ophunzila Baibolo ŵanu kuti akulishe ushamwali wawo na Yehova
Yehova ofuna kuti tikomutumikila chifukwa chomukonda. (Mt 22:37, 38) Ni chikondi cha Mulungu chamene chingayavye ophunzila Baibolo ŵanu kuti achinje komasoti nopitilija kunkhala otang’a akakumana na chiyeso. (1Yo 5:3) Ni chikondi chawo pa Mulungu chingaŵachitishe kuti abatizike.
Mokoŵayavya ophunzila ŵanu kuti akowona chikondi chali nacho Mulungu pali ove. Akonsheni makonsho monga akuti: “Kansi vamene ivi vukuphunzisani chinji vokhuza Yehova?” olo “Kansi vamene ivi vuwonesha tyani kuti Mulungu okukondani mwewo?” Ayavyeni kuti amvwishe mwakuŵayavyila Yehova monga munthu paŵeka. (2Mb 16:9) Afotokozeleni visanzo va mwechiyankhila mapemphelo ŵanu Yehova komasoti alimbikiseni kuti akowona mwakuyankhila mapemphelo ŵawo Yehova. Tukondwela ngako tikawona kuti ophunzila Baibolo ŵasu olimvwa kuti okondewa na Yehova komasoti keno ove omukonda nofuna kunkhala azishamwali ŵake.
LOLELANI VIDIYO YAKUTI, MUZITHANDIZA AMENE MUKUPHUNZIRA NAWO BAIBULO KUTI AKHALE PA UBWENZI NDI YEHOVA, NDIPO PAVULI PAKE YANKHANI MAKONSHO AŴA:
Kansi Jade ekumana na vuto yotyani?
Kansi Neeta emuyavya tyani Jade??
Kansi Jade epilila tyani vuto yake?