Nsiku iyakine mayeselo azasile

Tikankhala pa mayeselo n’vosavuta kufoka, makamaka keno takumana na mayeselo amene aŵa kwa nthawe itali. Davide eziŵa kuti mayeselo ŵake okhuza Mfumu Sauli pamapeto pake azasile, ndipo yove azankhale mfumu monga mwechilonjezela Yehova. (1Sa 16:13) Chikhulupililo cha Davide chimuyavya kunkhala woleza ntima noyembekezela Yehova.

Tikakumana na mayeselo, payakine tingachite vinthu mochenjela, kuziŵa vinthu, olo kuganiza luweme kuti tichinje vinthu pa moyo wasu. (1Sa 21:12-14; Miy 1:4) Olo n’tetyo, mavuto ayakine onkhalapo mphela olo tingayeje kuchita vonse vatingakwanishe mokatijana na mfundo za m’Baibolo. Vikankhala tetyo, tufunika kunkhala oleza ntima noyembekezela mwa Yehova. Lombapano azasilije mavuto ŵasu onse na “kupukuta misozi yonse” mmenso mwasu. (Chv 21:4) Chipulumuso chasu chuwela chifukwa cha vinthu vakuchita Yehova na chidalilo chakuti: Mayeselo onse azasile pa nthawe yake. Nkhani yamene iyi yutitonthoja ngakosoti.

LOLELANI VIDIYO YAKUTI ANTHU OGWIRIZANA M’DZIKO LIMENE ANTHU AKE SAGWIRIZANA, NDIPO PAVULI PAKE YANKHANI MAKONSHO AŴA:

• Kansi Akhilisitu ayakine kum’mwela kwa United States ekumana na mavuto otyani?

• Kansi ewonesha tyani kuleza ntima na chikondi?

• Kansi epitilija tyani kuganizila ngako “vinthu vofunika”?—Afi 1:10