MOYO WASU WACHIKHILISITU
Yehova otiyavya kupilila mayeselo ŵasu
M’masiku ŵano osilijila, tukumana na mayeselo anyinji ovuta. Nthawe ziyakine tingaganize kuti tingakwanishelini kuŵapilila. Koma olo n’tetyo, keno tupitilija kuvwendela kwa Yehova, yove angatiyavye kupilila olo pa mayeselo akulu ngako. (Yes 43:2, 4) Kansi tingavwendele tyani kwa Yehova tikakumana na mayeselo?
Pemphelo. Tikomuuja Yehova va muntima mwasu, yove otipasa ntendele wa m’maganizo komasoti mphamvu kuti tikwanishe kupilila.—Afi 4:6, 7; 1At 5:17.
Misonkhano. Kupambana kale yonse, ŵano masiku tufunikila mfundo zupezeka m’Baibolo na mgwilizano wakupeleka Yehova pa misonkhano yasu. (Ahe 10:24, 25) Tikokonzekela, kupezekapo, na kutolamo mbali pamisonkhano yampingo, tupindula ngako na chakulya chauzimu chakutipasa Yehova.—Chv 2:29.
Utumiki. Vizankhale vosavuta kuika maganizo ŵasu pa vinthu viweme keno tuchita vonse vatingakwanishe kuti tinkhale na vochita vinyinji mu utumiki. Tizatang’ishesoti ushamwali wasu na Yehova komasoti na Akhilisitu ayasu.—1Ak 3:5-10.
LOLELANI VIDIYO YAKUTI YEHOVA ADZAKHALA NAWE, PAVULI PAKE YANKHANI MAKONSHO AŴA:
Kansi n’chinji chimuyavya Malu kupitilija mphela kunkhala paushamwali wotang’a na Yehova pa nthawe ya mayeselo?
Molingana na Malu, kansi mawu opezeka pa Salimo 34:18 angatilimbikise tyani tikakumana na mayeselo?
Kansi vichitikila Malu vuwonesha tyani kuti Yehova otipasa “mphamvu zopambana zachibadwa” tikakumana na mayeselo?—2Ak 4:7