Mukokatishila ntchito vithunzi pophunzila

Muvofalisa vasu, muli vithunzi vinyinji vamene vingatiphunzise mfundo zofunika ngako. Kansi mungavikatishile tyani ntchito vithunzi vamene ivi kuti vikuyavyeni?

• Mukoyamba mwawona vithunzi mukaliye yamba kuŵelenga nkhani yamene iyo. Kuwona vithunzi kungakuyavyeni kunkhala na chidwi chofuna kuŵelenga nkhani yamene iyo. Mukawona chakulya chiweme chili mmbale, ntima wanu ufunishisha kuchilya. Tetyo, mukolikonsha kuti, ‘Kansi nichinji chanuwona?’—Amo. 7:7, 8.

• Mukayamba kuŵelenga nkhani iyakine, mukoganizila chifukwa chechiikilamo vithunzi vili munkhani yamene iyo. Mukoŵelenga mawu ofotokoza chithunzi keno alipo. Ganizilani kukatijana kulipo pakati pa chithunzi chamene icho na nkhani yamuŵelenga komasoti mwachukhuzila moyo wanu.

• Mukasilija kuŵelenga, katishilani ntchito vithunzi vamene ivo kuti mukumbukile mfundo zikulu-zikulu zamwaphunzila munkhani yamene iyo. Pavuli pake valani menso ŵanu noyeja kukumbukila vithunzi vamunkhani yamene iyo nowona mfundo zamwaphunzila kufumila pavithunzi vamene ivo.

• Onanisoti vithunzi vili m’magazini ino nowona keno mungakwanishe kukumbukila mfundo zikulu-zikulu zamwaphunzila.