Mukokonzekelesha ntima wanu

Keno tuphunzila Baibolo, sewo tufuna kuti maganizo a Yehova akokhuza ntima wasu, olo kuti umunthu wasu wankati. Ezara epeleka chisanzo chiweme pankhani yamene iyi, chifukwa “ekonzekelesha ntima wake kuti aphunzile Chilamulo cha Yehova.” (Ezara 7:10) Kansi sewo tingakonzekeleshe tyani mitima yasu?

Mukopemphela. Mukaliyeyamba kuphunzila, mukopemphela kwa Mulungu. Mukomusenga Yehova kuti akuyavyeni kumvwisha komasoti kukatishila ntchito vamwaphunzila.—Sal. 119:18, 34.

Mukonkhala olichefya. Mulungu ofisa choonadi kuli ŵanthu omeka komasoti amene oganiza kuti angakwanishe kuimvwisha Baibolo paliye thandizo yake. (Luk. 10:21) Kuyangijila pamene apo, tufunikalini kuphunzila Baibolo pofuna tyala kuti ŵanthu awone kuti tuziŵa vinyinji. Ndipo tikawona kuti tufunika kuchinja vinthu viyakine pamoyo wasu, tufunika kunkhala olichefya novomela kuchinja.

Mukomvwishila nyimbo za Ufumu mukaliyeyamba kuphunzila. Nyimbo zili na mphanvu yapadela ndipo zingakhuze mitima yasu notikonzekelesha kuti tilambile Mulungu. Kumvwishila nyimbo imozi ya Ufumu mukaliyeyamba kuphunzila kungakuyavyeni kukonzekelesha ntima wanu.