PHUNZILO 11

Kulaŵila mwaumoyo

Aroma 12:11

MFUNDO IKULU: Kulishani chidwi noŵatang’isha omvwishila mwa kulaŵila mwaumoyo.

Laŵilani na mzimu wa nkhani yamene iyo. Pamukonzekela nkhani yanu, ganizilani za kufunika kwa uthenga wamene uyo. Iziŵeni luweme nkhani yamu ŵelenga kuti mukaifotokoze mofumila pansi pa ntima.
Ganizilani omvwishila ŵanu. Ganizilani za uthenga wati mukaŵelenge olo kuphunzisa mwamene mwaukuti ukapindulishile omvwishila. Ganizilani mwamene uthenga wanu mwaungayakulishila chiyamikilo cha omvwishila ŵanu.
Laŵilani mwaumoyo. Ilaŵileni mwaumoyo. Katishilani ntchito magesicha nowonesha pachinso mwamumvwila mumtima.

Samalani kuti osati musokoneze omvwishila chifukwa chokatishila ntchito magesicha amozi na amozi. Mukokatishila ntchito magesicha mwatanthauzo. Laŵilani mwaumoyo pophunzisa mfundo zofunika ngako notang’isha omvwishila kuti achitepo kanthu. Osalaŵila mokuwa ngako mu nkhani yonse kuyopela kuti mungaŵeŵeshe omvwishila.