PHUNZILO 4

Mawu okopa chidwi potomola lemba

Mateyu 22:41-45

MFUNDO IKULU: Laŵilani mawu okonzekelesha maganizo a omvwishila mukaliye ŵelenga lemba.

Ganizilani chifukwa chamufuna kuŵelengela lemba. Fotokozani lemba m’njila yamene ingachitishe omvwishila kuziŵa mfundo ikulu yamufuna kumvwikisha pa vesi.

Ziŵani vinyinji vokhuza nkhani yamufuna kuŵelenga. Keno muŵelenga lemba, mufunika kusimikijila kuti mwatomola wamene munthu enzelaŵila mawu amene awo olo elemba nkhani ya m’Baibolo yamene iyo.
Katishilani ntchito Baibolo kunkhala maziko. Keno mulaŵila na ŵanthu amene okhulupilila Mulungu, mufunika kukatishila ntchito Baibolo, kuchita ivi kuwonesha kuti mukhulupilila kuti ni mawu a Mulungu soti angatipase nzelu zapalulu ngako.
Kulishani chidwi mukaliyeŵelenga lemba. Konshani konsho yamene yankho yake tiyifwane pa lemba yati muŵelenge. Tomolani vuto yamene lemba ifotokoze mwati ikasilile olo fotokozani mfundo ya m’Baibolo iti iyavye ŵanthu kuwona mwangalimbanilane na vuto yamene iyo.

Ganizilani vinthu vakuziŵa kale omvwishila pankhani yanu olo lemba. Olo kuti lemba oiziŵa kale, ifotokozeni m’njila yakuti iŵachitishe chidwi komasoti kuti aphunzilepo kanthu.