Ntchito yapadela mmwezi wa Sekutemba yolengeza Ufumu wa Mulungu!

Mmwezi wa Sekutemba, tizakate ntchito mwakhama poyavya ŵanthu kuziŵa kuti ni Ufumu wa Mulungu weka ungasilije mavuto a ŵanthu. (Mt 24:14) Kansi mungachite tyani kuti muzakate nawo ntchito yamene iyi? Ŵelengani lemba yunena za Ufumu wa Mulungu kuli ŵanthu anyinji ŵamungafwane mwamungakwanishile mmwezi wamene uyu. Keno munthu wawonesha chidwi, mupaseni magazini yogaŵila ya Nsanja ya Mulonda ya N.°  2 2020. Pavuli pake munyungileni munthu wamene uyo mokulumija keno n’vokwanishika, ndipo yejani kuyambisha phunzilo ya Baibolo pokatishila ntchito kabulosha kakuti Sangalalani na moyo kosasila! Onse otumikila monga apainiya othandiza mmwezi wa Sekutemba angasankhe kupeleka maola 15 olo 30.

Kwalombapano Ufumu wa Mulungu uzawononge maboma onse amene oshusha ulamulilo wake. (Da 2:44; 1 Akor. 15:24, 25) Tiyeni tonse tipezelepo mwayi pa ntchito yapadela yamene iyi powonesha kuti tili kumbali ya Yehova komasoti Ufumu wake!