MOYO WASU WACHIKHILISITU
Dalilani Yehova pamuchita vinthu na ŵanthu ankhanza
Ŵanthu amene ochitila nkhanza ayawo angatiwononge mwakuthupi ndipo angatichitishe kuyamba kuvutika maganizo. Ove mpaka angawononge ushamwali wasu na Yehova. Kansi mungaliteteze tyani kuli ŵanthu amene ochitila nkhanza ayawo?
Atumiki anyinji a Yehova okwanisha kulimbana na ŵanthu amene ochitila nkhanza ayawo mwa kudalila Yehova. (Sl 18:17) Mwachisanzo, Esitere etanikila pofuna kuulula chiŵembu cha munthu muyakine wovutisha ayake zina yake Hamani. (Est 7:1-6) Akaliyechita vamene ivo, yove ewonesha kuti enzedalila Yehova mwa kuleka kulya. (Est 4:14-16) Yehova edalisa vechichita mwanakazi wamene uyu ndipo emuteteza pamozi na ŵanthu a ntundu wake.
Alumbwana, munthu muyakine akokutamanishani mukosenga Yehova kuti akuyavyeni, ndipo laŵilani na munthu nkulu, mwachisanzo mungafotokozele makolo ŵanu vokhuza vuto yanu. Osati mukokaikila kuti Yehova azakuyavyeni monga ni mwechiyavyila Esitere. Kansi nchinji chiyakine chamungachite kuti mukwanishe kupilila keno mutamanishiwa?
LOLELANI VIDIYO YAKUTI MOYO WANGU WACHILUMBWANA—KANSI NINGACHITE TYANI KENO AYANGU ONIVUTISHA?, NDIPO PAVULI PAKE YANKHANI MAKONSHO AŴA OKONKHAPO:
Kansi achilumbwana angaphunzilepo chinji pa chisanzo cha Charlie na Ferin?
Kansi makolo angaphunzile chinji kufumuila pa vechilaŵila Charlie na Ferin vokhuza kuyavya ŵana ŵawo kuti apilile vochita va ŵanthu ankhanza?