Kuleza ntima

Mfundo yofunika kuiganizila: “Chikondi n’choleza ntima.”—1 Akor. 13:4.

Vechichita Yesu

Yesu ovwendelela m’bale wake Yakobo pa malo okatila ncthito ya ukalipentala. Yakobo odabwa.

VIDIYO: Yesu eyavya m’bale wake moleza ntima

1. Lolelani VIDIYO, kapena ŵelengani Yohane 7:3-5 na 1 Akorinto 15:3, 4, 7. Ndipo ganizilani makonsho aŵa:VIDIYO: Yesu eyavya m’bale wake moleza ntima

Kansi enekwake a Yesu poyamba echita tyani pechimvwa uthenga wake?
Kansi n’chinji chuwonesha kuti Yesu aliye musiye m’kwake Yakobo?

Kansi tuphunzila chinji kuli Yesu?

2. Tufunika kunkhala oleza ntima chifukwa ŵanthu ayakine otola nthawe itali kuti amvwishile uthenga uweme.

Konkhejani Yesu

3. Yejani njila iyakine. Keno munthu ovomelalini kamangu kuphunzila Baibolo osamukakamija.

4. Osayelekezela. Munthu aliyense ni wofunika. Keno wachibale ofunalini kuphunzila Baibolo kapena kukana vayuphunzisa Baibolo ganizilani chifukwa chumuchitisha vamene ivo. Kansi yove pali chipembezo chiyakine chakukhulupilila? Kansi oshushiwa na achibale ŵake kapena maneba? Mupaseni nthawe yakuti aganizile vamwalaŵila komasoti akotembeja vayunena Baibolo.

5. Mukomupemphelela. Sengani Yehova kuti akuyavyeni kunkhala na maganizo aweme komasoti nzelu. Mukopemphela kuti muziŵe nthawe yoyenela kuleka kuluta ku ng’anda ya munthu wamene owoneshalini chidwi.—1 Akor. 9:26.

ONANISOTI

Mk. 4:26-28; 1 Akor. 3:5-9; 2 Pet. 3:9