“Ufumu wanu uwele”—Pemphelo Yakukonda kuchita Ŵanthu Mamiliyoni Anyinji
Kansi mwewo mwipemphelelako kale kuti Ufumu wa Mulungu uwele? Kwa vyaka vinyinji, ŵanthu mamiliyoni anyinji osenga kuti: “Ufumu wanu uwele” Ndaŵa yanji opemphela teti? N’chifukwa chakuti Yesu euja ophunzila ŵake kuti enzefunikila kupemphelela Ufumu wa Mulungu kuti uwele.
Poyamba, ophunzila a Yesu enzemvwisha lini vonse venzephunzisa yove vokhuza Ufumu. Nthawe iyakine emukonsha kuti: “Ambuye, kansi mujoshele ufumu ku Isiraeli kwalombapano?” Payakine ove edabwa kuwona kuti Yesu aliye ŵapase yankho yenzeyembekezela. (Machitidwe 1:6, 7) Kansi vamene ivi vutanthauza kuti sewo tingaziŵe lini kuti Ufumu wa Mulungu n’chinji olo kuti uzawele nthawe yanji? Yayi n’tetyo lini!
Magazini iyi ya Nsanja ya Mulonda ikuyavyeni kufwana mayankho a makonsho aŵa:
Ndaŵa yanji tufunikila Ufumu wa Mulungu?
Kansi Mfumu ya Ufumu wa Mulungu ni ŵani?
Kansi Ufumu wa Mulungu uzayambe nthawe yanji kutonga ichi chalo?
Kansi Ufumu wa Mulungu uzachite chinji?
Ndaŵa yanji mufunikila kusalula kunkhala ku mbali ya Ufumu wa Mulungu lomba teti?
Kansi Ufumu wa Mulungu n’chinji?