Nkhani za pa webisaiti

Mukosankha vinthu vofunika ngako kuti muphunzile

Aliyense wa sewo ali na nthawe itontho yophunzila payeka. Kansi tingachite tyani kuti tikoikatishila ntchito luweme nthawe yasu yamene iyi? Choyamba, mukopatula nthawe yokwanila yoganizila vamwaŵelenga. Mwewo mungopindula ngako mwa kuŵelenga nkhani zitontho koma mosamala ngako, kupambana kuŵelenga nkhani zinyinji koma moutuka.

Pavuli pake, mukoika vinthu vofunika ngako pa malo oyamba. (Aef. 5:15, 16) Ganizilani mfundo izi zokonkhapo:

• Mukoŵelenga Baibolo nsiku iliyonse. (Sal. 1:2) Ndandanda yasu ya kuŵelenga Baibolo ya misonkhano ya nkati mwa sondo, ingankhale poyambila paweme.

• Konzekelani kukali nthawe phunzilo ya Nsanja ya Mulonda na misonkhano ya nkati mwa sondo. Mukoyeja kukonzekela luweme kuti mukakwanishe kuyankhapo.—Sal. 22:22.

• Mokatijana na nthawe yamuli nayo mukoyeja kulyako chakulya chiyakine chauzimu, mwa kulolela mavidiyo, kuŵelenga magazini ŵasu ogaŵila, komasoti nkhani zufalisiwa pa jw.org.

• Mukophunzila nkhani yamene yamusangalala nayo. Mungasakile nkhani yolingana na vuto yamukumana nayo mwewo, konsho yamuli nayo, olo nkhani iyakine ya m’Baibolo yamungakonde kuti muimvwishe luweme. Kuti muziŵe mwamungachitile vamene ivi, lutani palilembe kuti “Zoti Muchite Pophunzira Baibulo” pa saiti ya jw.org.