Mukodolowing’a vithunzi vamene vingakuyayveni kukumbukila vamwaphunzila

Molingana na mwakuchitila anyinji asewo, payakine namwe vukuvutani kuti mukumbukile mfundo zamwaphunzila. Koma tuvutikalini kukumbukila mfundo zinyinji zechiphunzisa Yesu, chifukwa chakuti enzekatishila ntchito mafanizo nthawe zinyinji. Tingakwanishe kukumbukila vinthu vechilaŵila Yesu, ndipo vamene ivi vutiyavya kukumbukila mfundo zechiphunzisa. Molingana na vamene ivi, mwewo mungakwanishe kukumbukila mfundo zinyinji zamwaphunzila keno muyeja kuyelekezela na vinthu viyakine. Kansi mungachite tyani vamene ivi? Mukodolowing’a vithunzi vokatijana na vinthu vamuphunzila.

Ŵanthu amene odolowing’a vithunzi vokatijana na mfundo zanyowani zaphunzila, kanyinji-kanyinji vuŵavutalini kuti akumbukile luweme. Kudolowing’a vithunzi kuŵayavya kuti amvwishe tanthauzo ya mawu osiyana-siyana, komasoti mfundo zikulu-zikulu munkhani yakuphunzila. Vithunzi vamene ivi, vufunikilalini kuchitankhala va luso ngako,—koma vufunikila kunkhala tyala vosavuta kudolowing’a. Kudolowing’a vithunzi n’koyavya ngako maka-maka kuli ŵanthu achikulile, kuti akwanishe kukumbukila vinthu vakuphunzila.

Panthawe yokonkhapo, muzayeje kudolowing’a vithunzi vokatijana na vinthu vamwaphunzila. Mwewo muzadabwe ngako na kupaka kwa mfundo zati muzakwanishe kukumbukila!