Magoši wa Mabedi
14 Ka mongwaga wa mabedi wa mo go lawola Jehowaši+ morwayi wa Jehowahazi kgoši ya Israyele, Amaziya morwayi wa Kgoši Jehowaši wa Juda a ba kgoši. 2 Ke mo a na le 25 ya mengwaga mo a ba kgoši, fote o fetsiye 29 ya mengwaga a lawola ku Jerusalema. Lebitso la mmane wage ke mo go le Jehowadhini wa go tšwa Jerusalema.+ 3 O yye mahlong a maka dilo tsa gabutši mahlong ga Jehova, mara aa maka go tshwana le Dafita+ kokwane wage. O makiye dilo ka moka go tshwana le papage Jehowaši.+ 4 Mara dipoleke tsa kgakala a di ya tlusiwa,+ fote batho ke mo ba kene ba maka dihlabelo fote ba tupisa muši gana mone ga dipoleke tsa kgakala.+ 5 Mo a šele a makiye gore mmušo wage wo tiyelele, a bolaya malata yage ya gore ma bolayye papage wa gore ne go le kgoši.+ 6 Mara barwayi ba batho bo ba bolayyeng papage, aa ba bolaya, o makiye tso Jehova a di hlayyeng ga molawo wo ba wo ngwadiyeng ga puku ya Molawo wa Moše wa gore: “Bopapa ba sa bolayiwi ka taba la tso barwayi ba bona ba di sinnyeng, le barwayi a baa tshwanela go bolayiwa ka taba la tso bopapa ba bona ba di sinnyeng; mara ye mongwana le ye mongwana di nyaka a bolayiwe ka taba la tso yene mong a di sinnyeng.”+ 7 A bolaya 10 000 ya banna ba Maedomo+ ku Moyeding wa Letswayi,+ fote a tseya naga ya Sela mo ba kene ba le ntweng+ ke mokane lebitso la yona naga yone gwa ba Jokothiyele go segela le lekgono lowa.
8 Ke mokane Amaziya a romela batho ga Jehowaši morwayi wa Jehowahazi morwayi wa Jehu kgoši ya Israyele, a re: “Tlang re lwe.”+ 9 Kgoši Jehowaši wa Israyele a romela molayetsa ga Kgoši Amaziya wa Juda, a re: “Mohlare wa mutlwa wa Lebhanoni wo romele molayetsa ga mosidara wa Lebhanoni, wa re, ‘Neya morwayi waka morwediya wago gore go be mosadi wage.’ Mara phoolwane ya go tshosa ya hlaga ya Lebhanoni ya feta ya gatelanya mohlare wola wa mutlwa. 10 Ke nnete gore o hludiye Edomo,+ fote tsotsone di makiye gore o thomise go ba le magetla. Tikwise ka tso o di makiyeng, mara o dule hone ntlong yago. Ke ntaba o nyaka mathatha ma le kgole ka taba la gore go nyoko kwalela wene le Juda?” 11 Mara Amaziya a sa mo theetsele.+
Byalo, Kgoši Jehowaši wa Israyele a tloga a ya ga Kgoši Amaziya wa Juda ke mokane ba segela ba lwa ku Bhethe-šemeše+ ya gore ke ya Juda.+ 12 Juda ya hlula ke Israyele, byalo ye mongwana le ye mongwana a tšhabela mutšing* wage. 13 Kgoši Jehowaši wa Israyele a tshwara Kgoši Amaziya wa Juda, morwayi wa Jehowaši wa gore ke morwayi wa Ahaziya, o mo tshwere ku Bhethe-šemeše. Ba segela Jerusalema, ke mokane a thula lešuba ku lepharong la Jerusalema go thomisa Gheyiting ya Eforayimi+ go segela Gheyiting ya Khoneng,+ lešuba lone ke mo le lekana 400 ya dikhyubhiti.* 14 O tsere dilo tsa gholdi le tsa silva ka mokana ga tsona le dilo ka mokana ga tsona tso ne di le ntlong ya Jehova le tso ne di le ntlong ya kgoši tsa gore di tseyediwa gedimo, a boya a tseya le batho gore go be mabhantiti. Ke mokane a boyela Samariya.
15 Byalo dilo ka mokana ga tsona tso di makegeleng Jehowaši, tso a di makiyeng, tso a di segeleleng le ka mokgo a lwileng le Kgoši Amaziya wa Juda, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 16 Ke mokane Jehowaši ba mmoloka le bokokwane bage, ba mmolokiye Samariya+ le magoši ya Israyele; ke mokane morwayi wage Jerobhowamo+ a ba kgoši sekgaleng sage.
17 Ke mokane Amaziya+ morwayi wa Jehowaši kgoši ya Juda o phidiye 15 ya mengwaga ka nthago ga mo Jehowaši+ morwayi wa Jehowahazi kgoši ya Israyele a šele a hlokofele.+ 18 Byalo dilo ka mokana ga tsona tso di makegeleng Amaziya, ayitsano a dya ngwadiwa ga puku ya tso di makegiyeng ka dinako tsa magoši ya Juda? 19 Ka nthago, batho ba polana go mmolaya+ ku Jerusalema ke mokane a tšhabela Lakhiši, mara ba romela banna ku Lakhiši fote ba mmolayele gona. 20 Byalo, ba mo rwala ka dipera ba boya naye, ke mokane ba mmoloka Jerusalema le bokokwane bage ga poleke yo ba reng ke Mutši wa Dafita.+ 21 Ke mokane batho ka mokana ga bona ba Juda ba tseya Azariya*+ wa gore ke mo a na le 16 ya mengwaga,+ ba maka gore go be kgoši sekgaleng sa papage Amaziya.+ 22 O yagiye mutši wa Elatha+ ka bonyuwane ke mokane a wo busetsa Juda ka nthago ga gore kgoši ba yi boloke le bokokwane ba yona.+
23 Ka mongwaga wa bo 15 wa mo go lawola Amaziya morwayi wa Jehowaši kgoši ya Juda, Jerobhowamo+ morwayi wa Kgoši Jehowaši wa Israyele o yye a ba kgoši ku Samariya, fote o fetsiye 41 ya mengwaga a lawola. 24 O yye mahlong a maka dilo tsa go befa mahlong ga Jehova. O makiye tsetsela di makiyeng ke Jerobhowamo morwayi wa Nebhathe tsa gore di makiye gore Maisrayele ma sinye.+ 25 A maka gore Israyele yi boyele yi kgere mo ne yi kgera gona, go thomisa Lebho-hamathe*+ go segela Lewatleng la Arabha,*+ go ya ka mokgo Jehova Modimo wa Israyele a hlayyeng ka gona a berekisa lelata lage Jona+ morwayi wa Amithayi wa gore ke moporofeta wa go tšwa Ghathe-hefere.+ 26 Ka gore Jehova o di bonne mo ba hlupegisa Israyele ka matla. Ke mo go se na motho wa gore a ka gelepa Israyele,+ le mong bo ba go se na matšhika le ba go sa re selo. 27 Mara Jehova o tshepisiye gore a ka sa fetsi ka leloko la Israyele mo lefaseng.+ Byalo o ba phonisiye a berekisa Jerobhowamo morwayi wa Jehowaši.+
28 Byalo dilo ka mokana ga tsona tso di makegeleng Jerobhowamo, dilo ka mokana ga tsona tso a di makiyeng, tso a di segeleleng, ka mokgo a lwileng le ka mokgo a busetsiyeng Damasekhase+ le Hamathe+ ga Juda ku Israyele, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 29 Ke mokane Jerobhowamo ba mmoloka le bokokwane bage, le magoši ya Israyele; ke mokane Zakariya+ morwayi wage a ba kgoši sekgaleng sage.