April

Jeso o re šupetsiye gore o re nyaka ka matla la go šinya a re kgwela. (Joh. 15:13) Re ka sa tsoge le ka tšatši la mohlolo re di kgonne go patela Jehova le Jeso ga tso ba re makeleng tsona. Mara re ka šupetsa ka maphelelo ya rune gore re ba leboga re sa fetsi. (Makol. 3:15) Bo ba gore ba tlotsiwwe ba se tseyela gedimo sehlabelo sa Jeso ka taba la gore ke sona so se ba thuleleng lešuba la gore ba kraye tshepo yo ba nang nayo. (Mat. 20:28) Ka taba la gore ba šupetsa tumelo ga sehlabelo sowa sa Kreste, Jehova o ba tseya go le ba go loka fote go le bana bage. (Marom. 5:1; 8:15-17, 23) Le bo ba dinku tse dingwana ba yi leboga ba sa fetsi taba yowa ya gore ba ba lepolliye. Ka taba la gore ba šupetsa tumelo ga sehlabelo sa Kreste, di ba gelepa gore Modimo a ba tseye ba hloka selabi fote bobone ba nyoko ba “ba tšwa ga motšhatšhamelo wo mogolo.” (Kut. 7:13-15) Megoba yowa ka mmedi yi šupetsa gore yi leboga taba ya gore ba yi lepolliye ka go ba gona Segopotsong mongwaga wo mongwana le wo mongwana. w22.01 23 ¶14-15

Jeso ke mo a šekedisa ke so ne ba mmolayela sona. Ke mo ba mmolabolela matsaka ba re ka leroga o kotsi, ba re aa mo hlompe ga Modimo le mong lona lebitso la Modimo. (Mat. 26:64-66) Ke mo di sa make gore pelo ya Jeso yi kgehlemele, ke mo a fo kwa nkare Papage a ka mo tšhireletsa gore a sa poyidiwi ka mokgonone. (Mat. 26:38, 39, 42) Majuda ke mo ma na le senyama, byalo ke mo di nyaka gore Jeso ba mo kokotele phateng gore senyama sone se tloge. (Magal. 3:10) Ke mo ba dumele gore ba nyoko latelela Molawo ya Modimo, mara ba šitega. Byalo, senyama sa bona se yye sa tokegela ga seghwebo so se leyyeng ke gore ke bona ditlogolwane tsa Adamo, yela wa gore o sinnye. (Mrm. 5:12) Molawo wa Modimo ke mo wo hlayye gore mo motho a sinnye tsa gore di nyaka a kgwe, ke mo ba mmolaya. Mo a šele a kgwile, setopo sage ke mo ba ka se fega phateng. (Dot. 21:22, 23; 27:26) Byalo nakwela Jeso ba mo fega phateng, o makiye gore a thogo lepolla bona batho bo ne ba mo phiga. w21.04 16 ¶5-6

O fo nagana nje gore ke mo go le byang ka letšatši la mafelelo la mo Jeso a le ho lefaseng. Masole ya Roma ba mo tshwere, ba mo teya la nkare ba ro bolaya. (Mat. 26:52-54; Joh. 18:3; 19:1) Ba mo teya ka sebepu fote mo ba kene ba teya, se tswiya dinama tsa ho mmeleng. Mo ba fetsa, ba mo pepudisa phate ya go roba, gana hala ga mokolo wa gore o fo nyuga madi. Jeso o kikirisana le phate yela a re wa yi goga o yi yisa mo ba ye mmolayelang gona mara o fo lelemela, ke mokane ba goga morene mongwana wa gore o f’lo tiyemela gana hone, ba mmotsa ka tšhinghi gore a mo kakolele phate yone. (Mat. 27:32) Mo Jeso a segela ho ba nyoko mmolayelang gona, masole yala ma mo kokotela ho matsogong le mawotong ga phate yone. Mo ba yemisa phate yone, mmele wage wa roba, byalo hala ba mo kokoteleng ka dipikiri go fo ya go kene go tleroga. Banghana bage ba kwa go baba ka matla le mmane wage o lla ka sethakga, mara dindhuna tsa Majuda di kene di poyilanya Jeso. (Luk. 23:32-38; Joh. 19:25) Mo nako yi kene yi ya, go wopa mola go fo ya go kene go yeketsega. Pelo le matshwafo di ya šitega byalo, mo a re wa wona, o goga kgole. Ka semoyanyana sosone sa gore o kgonne go se wona, o rapela thapelo ya mafelelo ya go šupetsa gore o hludiye. Mo a fetsa, o yinamisa hlogo gwa napa gore ‘tse’. (Mar. 15:37; Luk. 23:46; Joh. 10:18; 19:30) O kgwile ka gonyana ka gonyana, a kwa go baba fote ba mo poyilanya! w21.04 16 ¶4

Jeso o ba butsiye 11 ya mapostola yage ya go tshepega ka dikwano ka dipedi—kwano ya nyuwane le kwano ya Mmušo. (Luk. 22:19, 20, 28-30) Dikwano tsone ne di thulela mapostola yage mašuba ya gore ma ye ma be magoši le maprista ku legedimong. (Kut. 5:10; 14:1) Ke paranyana yo yi šeleng ya bo ba go tlotsiwa ba gore ba gona ga kwano yone, fote ke bona bo ba jang sekgwa ba boya ba nwa wayini Segopotsong. Jehova o ba neyye mong yona tshepo ya gore ba jabolele go phela ba sa sa kgwa fote ba na le mmele wa gore a wo bole, ba lawola ggoši le Jeso Kreste, le ka mokana ga bona ba 144 000 fote sa go di phala ka moka ke gore ba ko ba ba le thina le Jehova Modimo! (1 Makor. 15:51-53; 1 Joh. 3:2) Phela bo ba gore ba tlotsiwwe di nyaka ba dule ba tshepega go segela ba kgwa.—2 Thim. 4:7, 8. w22.01 21 ¶4-5

Ka ho mathoko ga Jeso ke mo ba kokotele dikgohlane ka dipedi. (Luk. 23:40, 41) Ye mongwana wa bona o yye a lebelela Jeso a re: “Jeso, o sa nlebale mo o kena Mmušong wago.” (Luk. 23:42) Jeso ke mo a di tšiba tsa gore Papage o kwelana go baba, o makiye ke tsotsone mo a kgomoletsa sekgohlane sowa nakwela se le thina le go kgwa. (Pis. 103:8; Maheb. 1:3) Jehova o tikemisele go re tshwarela le go re kwela go baba mo re ka tisola tsa mannete ga dilo tsa go befa tso re di makiyeng le mo re šupetsa gore re na le tumelo ga sehlabelo sa Jeso Kreste. (1 Joh. 1:7) Di ya thathafa ga ba bangwana go di tshepa tsa gore Jehova a ka tsoga a ba tshwarele. Mo nkare le wene o fela o tikwa ka mokgonone, nagana ka taba yowa: Mo Jeso a soko kgwa, o yye a šupetsa gore o se kwela go baba sekgohlane sela sa gore ke mo se ro thoma go šupetsa gore se na le tumelo. Jehova a ka sa šitegi go ba kwela go baba bo ba gore baa tshepega mo ba kene ba mo rapela!—Pis. 51:1; 1 Joh. 2:1, 2. w21.04 9 ¶5-6

Jeso o segelele dilo tsa go tlala mo a tshepega go segela a kgwa. Sa mathomo, o šupetsiye gore Sathane o na le matsaka. Jeso o šupetsiye gore motho wa go yenela a ka tshepega le mo Sathane a kene a mo šuhlašuhla. Sa bobedi, Jeso o neyele ka lephelo lage gore a thogo lepolla batho. Ka taba la gore Jeso o neyele ka lephelo lage, o makiye gore batho ba go sa yenela ba be le senghana le Modimo fote ba be le tshepo ya go phela go ya go yye. Sa boraro, Jeso o šupetsiye gore a go na ye mongwana ye a ka lawolang go phala Jehova fote o makiye le gore lebitso la Papage le šale le yediye. Nkare re ka tseya letšatši le lengwana le le lengwana go le lešuba la mafelelo la go šupetsa gore re ya tshepega! Le mo re le thina le go kgwa, re ko hlayeng gore, “Jehova, nna ke di makiye tso ke kgonneng go di segelela gore ke dule ke tshepega, ke šupetsiye gore Sathane o na le matsaka, ke yedisiye lebitso lago fote ke šupetsiye gore wa gore a ka lawola go phala wene aa šiyo!” w21.04 12 ¶13-14

Mo ba fetsa go bolabolela Jeso matsaka ba boya ba re ke sekgohlane, baa mo kweranya, ba mo teya go baba ba boya ba mo kokotela phateng ya mohlupego. Ba mo thula matsogo le mawoto ka dipikiri. O kwa go sasamela go gongwana ga go sa hlayisege ka go fo wona ga ggoši le go fo hlaya lentsu ka lloši. Mara o tshwanele a bolabole—tso a tshwaneleng a di hlaye ke ditaba tse dikgolo. Re ka tšhuta dilo tsa go tlala ga mantsu ya Jeso ya mafelelo! Mantsu yawa ma re gopotsa gore di nyaka re tshwarele ba bangwana fote re tshepe gore Jehova o nyoko re tshwarela. Re jabodisa ke gore re na le magageru ka ho phutegong ya gore ma dula ma tikemisele go re gelepa. Le rune di nyaka re hlaye mo re nyaka magageru ma re gelepa. Re ya di tšiba tsa gore Jehova o nyoko re gelepa gore re tiyisele ga se sengwana le se sengwana so se ka re pitegetsang. Di nyaka re tseye letšatši le lengwana le le lengwana nkare ke la mafelelo la go šupetsa gore re tshepega go segela kaye, re kene re di tšiba tsa gore le mo re ka kgwa, Jehova a ka sa re lebale. w21.04 8 ¶1; 13 ¶17-18

Go latelela magata ya Jeso go nyoko maka gore re phele go ya go yye. Nakwela morenela wa nghamula a butsisa gore di nyaka a make ying gore a kraye lephelo la go ya go yye, Jeso o yitseri: “Tlang o be lelata laka.” (Mat. 19:16-21) Jeso o butsiye Majuda ya mangwana ya gore ne ma sa di tshepe tsa gore ke yene Kreste, a re: “Dinku tsaka . . . dya nlatelela. Ke di neya lephelo la go ya go yye.” (Joh. 10:24-29) Re šupetsa gore re dumela ga Jeso mo re berekisa tso ne a di tšhutisa ga tso re di bolabolang le tso re di makang. Mo re ka maka tsotsone, re ka sa tšwi pateng ya go ya lephelong la go ya go yye. (Mat. 7:14) Di nyaka re thomise ka go tšiba Jeso gore re thogo gata thina le mo a gatiyeng. Taba ya go “tšiba” Jeso yi fo ya yi kene yi ya. Di nyaka re tšhute ka yene re sa fetsi, re tšhute ka mekgwa yage, tsela ya go nagana le ka mokgo ne a bona dilo ka gona. Go ka fo ba go le botala ka matla re tšiba nnete, mara di nyaka re sa lesetse go tšhuta ka Jehova le Morwayi wage. w21.04 4 ¶9-10

Di ka makega gore mo Pawulo wa lepostola a nagana ka dilo tso a di makiyeng botala, ke mo di sa mo yetsedisi. A di re makatse gore ke mo a re ke yene ye “mogolo wa gona” wa ba go sinya! (1 Thim. 1:15) Nakwela Pawulo a soko tšiba nnete, ke mo a hlorisa Makreste a sa fetsi ga toropo ye nngwana le ye nngwana, ba bangwana a ba kwalela jele, ba bangwana bona a napa a re ba bolayiwe. (Meber. 26:10, 11) O fo nagana nje gore Pawulo ke mo a tikwa byang mo a gahlana le Mokreste wa gore o sa gola ye a di tšibang gabutši gore ke yene a hlayyeng gore babelegi bage ba bolayiwe? Pawulo ke mo a tisola ga tso a yyeng a kekemisa ga tsona, mara ke mo a tšiba gore tso di makegiyeng di makegiye, o ka sa di tšhentšhi. Ke mo a dumela gore Kreste o mo kgwele, fote o ngwadiye a sa kamake a re: “Ka taba la gore Modimo o nkwele go baba, ke nna yewa gana byalo.” (1 Makor. 15:3, 10) Re tšhuta ying howa? Di tshepe tsa gore Kreste o kgwele wene a boya a go kgorela pata gore o thogo ba monghana ye mogolo wa Jehova. (Meber. 3:19) Modimo o lebelele tso re di makang gana byalo le tsa ku mahlong, aa hlupegi ka tsa gore re kekemisiye kaye ku nthago.—Jes. 1:18. w21.04 23 ¶11

Le mo nkare Majuda ya go tlala ka dinako tsa Jeso ne ma sa nagane gore Mesiya o nyoko kgwa, seporofeto so se hlayyeng ke Mangwalo se yitseri: “O berekisiye lephelo lage gwa šinya go segela le mo a kgwang fote le yene ne ba mmala le bo ba go sinya; ke mo a rwalele ba go tlala tso ba di sinnyeng, fote a phophothelela bo ba go sinya.” (Jes. 53:12) Byalo, Majuda ne ma sa tshwanela gore ma phiriketsege nakwela batho ba bolaya Jeso go tshwana le motho wa go sinya. Le rune lekgono, gore re sa phiriketsege di nyaka re nyakolla taba gore yi ya le lefeng. Nakwela Jeso a tšhutisa ku Thabeng, o pasopisiye bo ne ba mo theetsele gore ba bangwana ba nyoko ‘bolabola mehlobo ka mokana ga yona ya dilo tsa go befa’ ka bona. (Mat. 5:11) Matsaka yawa ma tšwa ga Sathane. O kutšetsela bo ba go phigisa gore ba sabalatse matsaka ka bo ba gore ba kwana ka matla le nnete. (Kut. 12:9, 10) Di nyaka re sa theetsele matsaka ya ma hlayang ke bo ba go re phigisa. A di nyake re lisetsa matsaka yane ma re maka gore re kamake kela ma re maka gore so re se dumelang re se tseyele fase. w21.05 11 ¶14; 12 ¶16

Gelepa ye o tšhutang naye Bhayibele gore a tshepele ga Jehova. Jeso o butsiye malata yage gore Jehova o nyoko ma gelepa ka taba la gore O ma nyaka ka matla. (Mat. 10:19, 20, 29, 30) Gopotsa ye o tšhutang naye gore le yene Jehova o nyoko mo gelepa. O ka mo gelepa gore a tshepele ga Jehova ka go rapela naye ka dilo tso a nyakang go di segelela. Franciszek wa gore o dula Poland o re, “Mo ye a ntšhutisang Bhayibele a rapela, ke mo a dula a tšhela le dilo tso re bolabodiyeng ka tsona gore ke nyaka go di segelela. Mo ke bona ka mokgo Jehova ne a fetola merapelo ya thitšere yaka, le nna ka napa ke tlwayela mokgwa wowa wa go rapela. Ke bonne ka mokgo Jehova a n’gelepiyeng ka gona nakwela ke kgopela matšatši mmerekong waka wa nyuwane gore ke kgone go ya mogahlanong wo mogolo le megahlanong ya phutego.” Jehova wa tihlupa ka batho bo re balang nabo Bhayibele. O wo tseyela gedimo mmereko wa go maka gore ba bangwana ba thogo šutela thina naye wo wo makang ke mathitšere ya Makreste, fote tsotsone di maka gore a nape a ba nyaka tsa nkare ke moka. (Jes. 52:7) Mo nkare a go na motho ye o balang naye gana byalo, o ka di kgona go gelepa batho gore ba karakare gore ba thogo kolobetsiwa ka go felegetsa batšhomayedi ba bangwana mo ba ya ga batho bo ba tšhutang nabo Bhayibele. w21.06 7 ¶17-18

Mo re dulela go bala Lentsu la Modimo, tsotsone di šupetsa gore re le tseyela gedimo. Di nyaka re tipeyele nako ya gore re bale le go tšhuta Bhayibele re le ntoši, re sa fo di maka mo nkare nako yi gona. Mo re ka ngangarela letheto lo re timakeleng lona la go dula re tšhuta re le ntoši, tumelo ya rune yi nyoko dula yi tiyye. Rune a re tshwane le “ba go hlalefa le ba go hlalefa ka matla” ba lefase lowa, fandhiši ya tumelo ya rune ya go tiya ke Lentsu la Modimo. (Mat. 11:25, 26) Re tšhutiye puku yowa ya go hlawolega, byalo re ya di tšiba gore ke ntaba dilo tsa lefase lowa di fo ya di kene di sinyega le gore Jehova o nyoko maka ying ka tsona. Tla re tikemiseleneng go tiyisa tumelo ya rune re boye re gelepe batho ba go tlala ka mokgo di ka kgonegang gore le bona ba dumele gore go na le Ye a re makiyeng. (1 Thim. 2:3, 4) Fote re sa šepisi mo re kene re yemele nako yo motho ye mongwana le ye mongwana wa ho lefaseng a nyoko hlayang mantsu ya ma leng ga Kutullo 4:11, ya gore: “Di ro go tshwanela wene Jehova Modimo wa rune gore o thanakiwe . . . ka gore o makiye dilo ka mokana ga tsona.” w21.08 19 ¶18-20

Bagolo ka taba la gore ke bona bo ba disang, ba na le mmereko wa go wolola ba bangwana mo di nyakega. Mokgwa wa gore wa gelepa o wo tšhofa motho gore a make se sengwana fote wo “jabodisa pelo.” (Diy. 27:9) Bagolo ba ma nyaka ka matla magageru. Ka dinako tse dingwana tsotsone ba di šupetsa ka go wolola ye mongwana mo a thomisa go keketlela. (Magal. 6:1) Mo mogolo a soko bane a bolabodisa motho a ka thomisa ka go nyakolla mekgwa ya go sa tshwane ya go šupetsa go nyakanana ya gore yi hlayye ke Pawulo wa lepostola mo a re. “Wa go nyakanana ka matla o lefiselana pelo fote o makela ba bangwana dilo tsa gabutši. . . . o tiyisela ga dilo ka mokana ga tsona, o tshepa dilo ka mokana ga tsona, wa di dumela gore di nyoko makega fote aa lahle tewu.” (1 Makor. 13:4, 7) Mo mogolo a ghayela ka matla ka ditemanyana tsowa tsa Bhayibele di nyoko mo gelepa gore a wolole motho a kene a šupetsa gore o mo nyaka ka matla. Mo di ka makega gore ye ba mo wololang a di bone tsa gore mogolo yene o hlupega ka yene o nyoko yamogela mo ba mo wolola. w22.02 14 ¶3; 15 ¶5

Nakwela Jehova a maka batho le mangeloyi, ke mo ba yenele, go se na ga go kekema. Mara lengeloyi lo ba reng ke Sathane (Wa go Phigisa) le yye la maka gore le Adamo le Efa ba gore ke mo ba yenele, ba jikele Jehova. Batho ba bangwana le mangeloyi ba yema nabo. (Juda 6) Jehova a kwa ba mo sipidiye ka fase. Mara a fo tiyisela, fote o nyoko fo tiyisela go šinye go segele nako ya gore a nape a fetsa ka bona. Ka nthago ga mone, Jehova le bo ba yyeng ba mo theetsela ba nyoko ba ba jabodiye ka taba la gore di ka sa sa nyaka gore ba tiyisele dilo tsa go baba tsa lefase lowa! Jobo ke mo go le lelata la Jehova la go loka, mara Sathane o yye a fo mo hlayela matsaka go na go le ka mokgonone, gabutšibutši ke mo a re batho ka mokana ga bona ba gore baa tshepega ga Jehova Modimo ba mmerekela ka taba la gore ba lebelele go kraya se sengwana. (Jobo 1:8-11; 2:3-5) Tso tsa go hlayela batho matsaka, Diyabolo aa soko lahla. (Kut. 12:10) Mo re tiyisela tsa go re ghula re boya re šupetsa Jehova gore re mo nyaka ka matla ka go tshepega gage, di ko napa di yela gore Sathane o bolabola matsaka. w21.07 9 ¶7-8

Pawulo wa lepostola o berekisiye mantsu ya ma re šupetsang gore taba ya go tšhentšha maphelelo ke ye kgolo go segela kaye. O ngwadiye gore di nyaka re kokotele mekgwa ya rune ya botala “ku phateng.” (Marom. 6:6) Re ka fo re di nyaka re latelela mošupetso wa Kreste. Ka go kganela kgole le mokgwa wa go nagana le go maka dilo tsa gore Jehova aa kwane natso. Mo re ka maka dilo tsowa gabutši re nyoko thogo bo pata bošego fote re nyoko ba le tshepo ya go phela go ya go yye. (Joh. 17:3; 1 Pet. 3:21) Jehova a ka sa tšhentšhe molawo wage gore yi thogo jabodisa rune. Mara di nyaka rune re tšhentšha gore re thogo sipidisana le melawo yage. (Jes. 1:17, 18; 55:9) Le mo o šele o kolobetsiwwe, di nyaka o ragaraga ka matla gore o thogo kganela kgole le taba ya go nabela dilo tsa go sa loka. Rapela Jehova gore a go gelepe fote o tshepele ga moya wage wa go hlawolega go seng ga matšhika ya wene mong. (Magal. 5:22; Mafil. 4:6) Di nyaka re tikemisela go tšhentšha mekgwa ya botala fote re nape re ro lomoga ga yona. w22.03 6 ¶15-17

Jehova o re tshepisiye gore mo re ka beya tsa Mmušo wage ku mahlong re boya re theetsela melawo yage ya go loka, yene o nyoko re neya tsa go ja, dikobo le ga go dula. (Mat. 6:33) Tsotsone di maka gore re sa nagane gore dilo tsa majabajaba tsa lefase lowa di nyoko re pasopa dya boya dya maka gore re jabole go ya go yye. Re ya di tšiba gore mo re nyaka gore dipelo tsa rune di dule di kgehlemele, di nyaka re make tso di nyakang ke Jehova. (Mafil. 4:6, 7) Di ka makega gore sekwetše sa go di reka sona re naso, mara di nyaka re tiputsise gore ayitsano re nyoko kraya nako le matšhika ya go di berekisa re boye re di pasope. Nje re ka sa kwane ka matla le dilo tsone tsa rune? A di nyake re lebala gore Modimo o nyaka gore mo re le ka mo mutšing wage re sa fo lepoga, mara re karakare. Re sa di lisetse di re lebatsa kela go re tlonya. A re nyake go tshwana le mosogana yela wa go gana go berekela Jehova, wa gore ke mo a nyoko mo yamogela gore go be morwayi wage, a maka ke gore ke mo a kwana ka matla le dilo tsa ho lefaseng!—Mar. 10:17-22. w21.08 6 ¶17

Mo o kene o bala Mangwalo, o nyoko tšhuta gore Jehova ke wa mošaga mang le dilo tso a tšibegang ka tsona—fote mo o lebelela dilo tso a di makiyeng, o ko napa o di bona gore o ka mokgonone. Dilo tsowa di šupetsa gore nnete Modimo o gona, a yi ditaba tsa go fo tikhandela. (Ek. 34:6, 7; Pis. 145:8, 9) Mo o kene o šutela thina le Jehova, o ko kweng le wene gore tumelo yago ya tiyelela, o ko kwa o napa o mo nyaka tsa nkare ke moka fote le ba banghana ba bagolo. Bolabola le ba bangwana ka tso o di tshepang ka Modimo. Mara o ko maka byang mo motho ye o mo tšhomayelelang a go butsisa gore ayitsano Modimo o gona, mara o kraya wene o sa tšibi gore o nyoko mo fetola o re king? Liketsa go kraya ditaba tsa go yelana le Mangwalo tsa gore di ga dipuku tsa rune ke mokane o mo hlatollele. O ka kgopela mogageru ye mongwana wa gore o butšwiye gore a go gelepe. Le mo motho yene a ka tshepa kela a sa tshepe phetolo yago ya go tšwa ka Bhayibeleng, wene o nyoko ba o gelepiye ke gore o nyakolliye. Tumelo yago yi nyoko tiya ka matla. w21.08 18 ¶14-15

A di nyake re tikona dilo ka moka re re re makela go berekela Jehova. (Mmo. 5:19, 20) Mara mo re ka tšhaba go tikona tse dingwana gore re thogo berekela Modimo, re ko ba re yi lahliye go tshwana le morenela Jeso a šupetsiyeng ka yene wa gore o tinyakele dilo tsa majabajaba ke mokane a lisetsa tsa Modimo. (Luk. 12:16-21) Mo re gahlana le tsa go re ghula, re ya rapela fote ra nagana gabutši gore di nyaka re make ying. (Diy. 3:21) Jehova o re rufa ka mekgwa ya go tlala. Re ka šupetsa gore re ya mo leboga ka go maka se sengwana le se sengwana gore re mo thanake. (Maheb. 13:15) Re ka tipotsa gore re nyaka go yeketsa mmereko wa rune, tsotsone di ka maka gore re rufege ka matla. Ka moka matšatši, tla re nyakeleneng mašuba ya go ‘mo liketsa ga Jehova gore re thogo mmona gore o lukiye.’ (Pis. 34:8) Re ko tshwana le Jeso nakwela a re: “Tsa go ja tsaka ke go maka tso di nyakang ke ye a nrommeng le go fetsa mmereko wage.”—Joh. 4:34. w21.08 30-31 ¶16-19

Sathane o nyaka gore re be le magetla. Wa di tšiba tsa gore mo re ka ba le magetla, re nyoko tshwana naye ke mokane tsa go kraya lephelo la go ya go yye di nyoko šaša. Pawulo wa lepostola o makiye ke tsotsone mo a šinya a hlaya gore motho a ka “ba le magetla ke mokane a yahludiwa go tshwana le Diyabolo.” (1 Thim. 3:6, 7) Di ka makega ga ye mongwana le ye mongwana, a di yi ka gore re sa tšwa go kena ka ho phutegong kela go ro ba mong mengwaga re berekela Jehova. Motho wa go ba le magetla o tinaganela a ntoši. Sathane o liketsa go maka gore re sa naganele batho ba bangwana, o maka gore re sa nagane ka Jehova re tinaganele re ntoši, ka matla mo go bifiye. Mo re beyisa, ayitsano ba yye ba go hlayela matsaka? Kela ba yye ba sa go tshware gabutši? Sathane a ka jabola mo a bona o sola Jehova le magageru. Fote Diyabolo o nyaka o nagane gore dilo di nyoko loka mo o di maka ka mokgo wene o nyakang, o sa make tso Lentsu la Jehova le di hlayang.—Mmo. 7:16, 20 w21.06 15 ¶4-5

Jehova o yye a roma Haghayi wa go porofeta gore a make selo se sengwana se segolo. Di šupa nkare Haghayi ke mo a le gare ga batho bala ba yyeng ba sologa ba ya Jerusalema ka 537 B.C.E. mo ba tšwa bobhantiting ku Bhabhilona. Mo batho bo ba go tshepega ba gore ba rapela Modimo ba segela mo ba yang gona, ba yakgoswiye ba yepa fandhiši ya ntlo ya Jehova, kela yona tempele. (Eze. 3:8, 10) Mara go se botala, gwa nyarela tsa go baba. Ba yye ba kgongwela ke mokane ba lisetsa go maka mmereko wowa ka taba la bo ne ba ba phigisa. (Eze. 4:4; Hagh. 1:1, 2) Byalo, ka 520 B.C.E., Jehova o yye a roma Haghayi gore a ye a ba phaphate ho magetleng gore ba kwe ba tiyelele, ba thogo ba le matšato ya go tlogamela ba fetsise tempele. (Eze. 6:14, 15) Molayetsa wa Haghayi ke mo go le wa go tiyisa tumelo ya bo ba wo theetselang. Di šupa nkare ba yye ba tiyelela mo ba kwa mantsu ya gore “Jehova wa masole.” Jehova o lawola mangeloyi ya go tlala la go sa hlayisege ya gore ke masole, byalo ke mo di nyaka Majuda ma tisamela ka yene gore ma phomelele. w21.09 15 ¶4-5

Lekgono, Dihlatse tsa Jehova di jabodisa ke taba ya gore di ya kwana lefaseng ka mokana ga lona. Go fapana le mekgahlo ye mengwana, senghana sa rune a se yame ke gore wene o tšwa ga setšhaba sefeng, o wa mohlobo mang kela o dula kaye kaye. Taba ya gore re nyakanana tsa mannete re yi bona gabutši mo re le megahlanong, megahlanong ye megolonyana le ye megolo. Tsotsone di maka gore re sa kamake gore mokgwa wa rune wa go rapela ke wona wo Jehova a wo yamogelang. (Joh. 13:34) Mangwalo ma re hlohletsela gore re “nyakanane ka matla.” (1 Pet. 4:8) Mokgwa wo mongwana wo re šupetsang gore re ya nyakanana ke mo re tshwarelana fote re lefiselana pelo ka taba la gore a re ya yenela. Re dula re ramele mo go thulega lešuba la gore re šupetse gore a re konane fote re yamogela ka mokana ga bona bo ba leng ka phutegong le bo ba gore ba re gatiye dikhonse. (Makol. 3:12-14) Mo re nyakanana ka mokgonone, re šupetsa gore re Makreste ya mannete. w21.10 22 ¶13-14

Ayitsano go ntsha motho wa gore o sinnye fote a sa nyake go sokologa go ka gelepa gore a tšhentšhe tso a di makang? Eya. Ba go tlala ba gore ba yye ba goromela ga taba ya go maka tsa go befa, ba di bonne gore mo bagolo ba ba wolola ba tiyisiye letsogo, tsotsone di makiye gore dihlogo tsa bona di thomise go bereka gabutši ke mokane ba lisetse tso ba di makang ba boyele matsogong ya go belabela ya Jehova. (Maheb. 12:5, 6) Lebelela mošupetso ke wowa. Motho wa go disa o bona nku yage ya gore ya tilwalela. Gore a thogo yalafa nku yone, wa di tšiba gore di nyaka a yi kwalele ku kgole le tse dingwana. Mara dinku, mošaga wa tsona a di kwane le go dula di le ntoši. Di kwana le go ba le tse dingwana fote mo di le ntoši a di dulisege. Ayitsano tsotsone di rela gore ye wa go disa o na le lešidi mo a gelepa nku yone ka mokgonone? Le ka gonyana. Wa di tšiba gore mo a ka fo lisetsa nku yone yi jikajika le tse dingwana yi nyoko di tshiletsa bolwele byone. Mo a kwalela nku yo ya gore ya tilwalela, o tšhireletsa morape ka mokana ga wona. w21.10 10 ¶9-10

Re yi leboga re sa fetsi taba ya gore re ga mutši wa Jehova wa lefaseng ka mokana ga lona wa gore batho ba gona baa nyakanana. Re nabela gore ba go tlala ba ka tla gore ba be le rune ga taba ya go berekela Modimo. Mo re nyaka tsotsone di makega, di nyaka re bone gore tso re di makang di sa poyidisi batho ba Jehova kela mong yene Papa wa rune. Re karakara ka matla gore maphelelo ya rune ma lobe batho gore ba nyake ditaba tsa go bafala. Ka nakwenngwana, ba bangwana ba ka re rogelela kela ba re hlorisa re fo kgwela gore re theetsela Papa wa rune wa legedimong. Byalo re nyoko maka byang mo nkare re ya tšhaba go bolabola le ba bangwana ka so re se dumelang? Re ka tshepela ga Jehova le Morwayi wage. Jeso o butsiye malata yage gore ma sa šekedisi ke taba ya gore ma nyoko bolabola ma re king. Ke ntaba mara? Mo a hlatolla yene mong Jeso o yitseri, “Tso le nyoko di bolabolang le ko di tšiba ka nako yonone,” a boya a re, “a yi lune le nyoko bolabolang, le nyoko gelepa ke moya wa go hlawolega wa Papa wa lune wa ku magedimong.”—Mat. 10:19, 20. w21.09 24 ¶17-18

Moše o berekisiye mošupetso wonowa mo a hlatolla poleke ya mo motho a ka tšhabelang gona. (Pis. 90:1) Go tokegela gana hone, mo Moše a šele a le thina le go kgwa o yye a yatlala taba yone gore yi nape yi kwagala gabutši. O ngwadiye gore: “Modimo ke botala re kene re tšhabela gage, o go ngangarele ka matsogo yage.” (Dot. 33:27) Mantsu yawa ya gore “o go ngangarele ka matsogo yage” ma re botsa ying ka Jehova? Mo re tseya Jehova go le poleke yo re ka Tšhabelang ga yona, re kwa re tšhireletsegiye. Mara, di ka makega gore matšatši ya mangwana re ka kwa di re kgahleletsiye la gore re šitege le go ya mahlong. Mo dilo di yemme ka mokgonone, Jehova o nyoko re gelepa ka mokgo mang? (Pis. 136:23) O nyoko re ngangarela ka matsogo yage, a re thegeletsa a boya a re gelepa gore re thogo yema ka mawoto ya rune. (Pis. 28:9; 94:18) Taba ya gore Modimo o nyoko fo dula a na le rune yi re gopotsa gore go na le dilo ka dipedi tso re rufegiyeng ka tsona. Sa mathomo, re na le poleke ya go tšhabela ga yona di sa yi ka gore re tšwa kaye. Sa bobedi, Papa wa rune wa legedimong o re nyaka ka matla fote wa tihlupa ka rune. w21.11 6 ¶15-16

Jeso ne a tšiba gore tumelo ya malata yage yi nyoko šiginya ke mo ba ma tshwara bošidi. Gore ma thogo tiyisela mo ba ma tshwara bošidi, o ma beyisele ka mošupetso wo wo leng ga puku ya Luka. Jeso o bolabodiye ka taba ya mosadi wa gore o kgwele ke monna wa gore ne a llela wa go yahlula gore a yahlule ka go loka. Ne a sa kamake gore mo a ka kgopela a sa fetsi ba ko šinya ba mo gelepa. Ke mokane wa go yahlula a šinya a maka se sengwana. Re tšhuta ying? Jehova aa hlawolane. Jeso yene o yitseri: “Byalo, ayitsano Modimo a ka sa ba kwele go baba . . . ba gore ba mo llela bošego le motshegare?” (Luk. 18:1-8) A boya a tokegela ka gore: “Nje Morwayi wa motho mo a boya mo lefaseng o nyoko kraya go sa na le tumelo?” Mo ba re tshwara bošidi, di nyaka re tiyisele re boye re lefise pelo go šupetsa gore re na le tumelo ya go tiya go tshwana le mosadi yela wa gore o kgwele ke monna. Mo re na le tumelo ya mošaga wonone, re ka sa kamake gore Jehova o nyoko re makela se sengwana. Fote di nyaka taba ya go rapela re sa yi tseyele fase. w21.11 23 ¶12; 24 ¶14

Lune ba gore le sa gola, ayitsano le fela le kwa nkare melawo ya Jehova ya gatelela? Phela Sathane o nyaka le tikwa ka mokgonone. O nyaka le nabela tso di makang ke bo ba sepelang ga pata ya gore yi yahlamme le tso di bonalang nkare ba tikwisa ka tsona. Fote a ka berekisa tso di makang ke dithaka tsago tso o kenang natso sekolo kela tso o di bonang ga inthanete gore o tikwe nkare wa šalela. Sathane o nyaka o tseye nkare melawo ya Jehova yi go thibelela gore o tikwise ka lephelo. Mara o sa lebale gore: Sathane aa nyake bo ba sepelang ho ga pata yage ba bone tso di nyoko ba makegelang ku mahlong. (Mat. 7:13, 14) Mara Jehova o di beyye lekgwaying tso a nyoko di makelang bo ba dulang ga pata ya gore yi bakiye lephelong.—Pis. 37:29; Jes. 35:5, 6; 65:21-23. w21.12 23 ¶6-7

Re ya di tšiba gore di nyaka re tshwarele batho ba bangwana; sone ke selo sa gabutši so re ka se makang. Mara di ka re thathafela gore re make ka mokgonone. Petro wa lepostola a ka fo ba a yye a fela a tikwa ka mokgonone. (Mat. 18:21, 22) Re ka gelepa king? Sa mathomo, ghayela ka tso Jehova a yyeng a go tshwarela ga tsona. (Mat. 18:32, 33) A di re tshwanele gore a ka re tshwarela, mara o maka ka mokgonone a sa kokole. (Pis. 103:8-10) Le rune “di ya re tlema gore re nyakanane ka matla.” Go tshwarelana a yi selo sa gore re ya tikgetela gore re nyoko se maka kela awwa. Re tshwanele re tshwarele magageru. (1 Joh. 4:11) Sa bobedi, ghayela ka gore go makega ying mo re tshwarelana. Re ka gelepa ye a re sinyeleng, ra maka gore phutego yi mamarelane, ra pasopa senghana sa rune le Jehova, fote ra tlosa le morwalo wo wo leng magetleng ya rune. (2 Makor. 2:7; Makol. 3:14) Sa mafelelo, rapela Ye a re kgopelang gore re tshwarelane. O sa lisetse Sathane a sinya senghana sago sa gabutši le magageru ya ka phutegong. (Maef. 4:26, 27) Di nyaka re kgopele Jehova a re gelepe gore Sathane a sa re tanye. w21.06 22 ¶11; 23 ¶14

Dafita o yye a tšhaba ka taba la gore ne ba nyaka go mmolaya. Kgoši ya go ba le matšhika ya ku Israyele yo ba reng ke Sawulo, ke mo yi tikemisele go fetsa ka yene. Nakwela Dafita a nyaka tsa go ja, o yye a segela ga toropo yo ba reng ke Nob, ke mokane a fo tikgopelela kapheta ya malofo. (1 Sam. 21:1, 3) Ka nthagonyana yene le masole yage, ba yye ba tšhabela ka lekoring. (1 Sam. 22:1) Di tlile byang gore Dafita a fetse a le ga seyemo sa mošaga wowa? Sawulo ke mo a jelasela Dafita ka matla ka taba la gore ke mo a tšibega fote a dula a hlula ntweng. Sawulo ne a di tšiba gore go sa theetsele gage go makiye gore Jehova a sa sa mo dumelela gore go be yene kgoši ya Israyele fote Jehova o beyye Dafita setulong sa go lawola. (1 Sam. 23:16, 17) Mo Sawulo go sa le yene kgoši ya Israyele, ne a na le masole ya go tlala fote a na le ba go tlala ba go mo thega, ne di nyaka Dafita a tšhabe gore a thogo phonisa lephelo lage. Ayitsano Sawulo ne a tiputsiye gore a ka di kgona go šitisa Modimo go maka tso a di nyakang ka Dafita? (Jes. 55:11) Bhayibele a yi hlaye, mara go na le selo ka ssoši sa gore a re se kamake, ke sowa: Sawulo ke mo a kgana ka mollo. Bo ba lwang le Modimo ga go tlala a di ba sepelele gabutši! w22.01 2 ¶1-2

Jeso o yye a karakara ka matla ga mmereko wa go tšhomayela. Mo go thulega lešuba o yye a šupetsa batho gore o ba nyaka ka matla ka go fo ya mahlong a ba tšhutisa. (Luk. 19:47, 48) King so se mo tšhofiyeng gore a make ka mokgonone? Jeso ke mo a ba kwela go baba. Ka dinako tse dingwana batho ba go tlala ne ba nyaka go theetsela mantsu ya Jeso la go šinya yene le malata yage “ba sa kraye le nako ya go ja.” (Mar. 3:20) Jeso ke mo a tikemisele go bolabola le morene mongwana wa gore ne a nyaka gore ba gahlane bošego. Ba go tlala ba gore ba yye ba theetsela Jeso a sanka gwa ba malata yage. Mara ka mokana ga bona bo ba yyeng ba mo theetsela a sanka ba ba teyela mošašaša mo ba ba tšhomayelela. Le lekgono lowa re nyaka go thulela ye mongwana le ye mongwana lešuba la gore a kwe ditaba tsowa tsa go bafala. (Meber. 10:42) Gore re thogo maka tsotsone, di nyaka re tšhentšhatšhentšhe mokgwa wa rune wa go tšhomayela. Re sa jabolele go bereka tšhomo ka nako yo yi berekelang rune beng mara di nyaka re tikemisele go tšhomayela ka nako yo batho ba krayegang ka yona. Mo re ka maka ka mokgonone, a re kamake gore tsotsone di nyoko jabodisa Jehova la go sa hlayisege. w22.01 17 ¶13-14

Lekgono ba go tlala di ya ba thathafela go tshepa ba go lawola. Ba di bonne gore bo ba molawo le bo ba dipolotiki ba kwana ka matla le batho ba gore ba ghannye le ba gore ba na le matšhika ya go lawola mara bo ba go tihlupegela ba ba phakgela ku thoko. Go tokegela gana hone, tso di makang ke bo ba go yeta dikereke mahlong di ya tshwatisa ke tsona tso di makang gore batho ba bangwana ba sa sa nyaka go kwa selo ka Modimo. Byalo mo motho a dumela go tšhuta Bhayibele le rune, di re bakela mmereko wa gore re thomise ka go mo gelepa gore a thomise ka go tshepa Jehova le bo a ba kgetiyeng. Nnete ke gore, taba ya go tshepa Jehova le mokgahlo wage a yi fo nyakega fela ga bo ba tšhutisiwang Bhayibele. Le ga bo ba gore ke mengwagangwaga ba tšiba nnete, di nyaka ba tiyisa tshepo ya bona ga taba ya gore Jehova aa pumutse. Ka dinako tse dingwana, go nyarela seyemo sa gore se ka maka gore re sa sa tšiba gore re yemme kaye ga taba yowa. w22.02 2 ¶1-2